Paleosoïkum

in Wikipedia, die vrye ensiklopedie
Spring na: navigasie, soek

Die Paleosoïkum of Paleosoïese Era is die eerste van die drie geologiese eras van die Fanerosoïkum-eon en strek van sowat 541 miljoen tot 252,2 miljoen jaar gelede. Dit is die langste van die Fanerosoïese eras en word onderverdeel in ses periodes: die Kambrium, Ordovisium, Siluur, Devoon, Karboon en Perm. Die woord Paleosoïkum is afgelei van die Griekse παλαιός (palaios) en ζωή (zoe), wat "antieke lewe" beteken.[1]

Die Paleosoïkum was ’n tyd van drastiese geologiese, evolusionêre en klimaatsveranderinge. In die Kambrium het die vinnigste en mees wydverspreide diversifikasie van lewe op aarde plaasgevind. Dit is bekend as die Kambriese Ontploffing en die meeste moderne filums het in dié tyd ontstaan. Visse, geleedpotiges, amfibieë en reptiele het almal in die Paleosoïkum ontstaan. Die lewe het in die oseaan begin, maar eindelik oorgespoel tot op die land. Groot woude met primitiewe plante het die kontinente bedek en baie van hulle het die steenkoolneerslae van Europa en die oostelike Noord-Amerika gevorm. Teen die einde van die era het groot, gesofistikeerde reptiele die Aarde oorheers en die eerste moderne plante (konifers) het verskyn.

Die era het geëindig met die grootste massauitwissing in die Aarde se bestaan, die Perm-Trias-uitwissing. Die uitwerking van dié katastrofe was so vernietigend dat dit die lewe op land 30 miljoen jaar geneem het om te herstel.[2]

Verwysings[wysig]

  1. Paleozoic”. Online Etymology Dictionary.
  2. Sahney, S. and Benton, M.J. (2008). “Recovery from the most profound mass extinction of all time” (PDF). Proceedings of the Royal Society: Biological 275 (1636): 759–65. DOI:10.1098/rspb.2007.1370.

Eksterne skakels[wysig]


Voorafgegaan deur Proterosoïese Eon Fanerosoïese Eon
Paleosoïese Era Mesosoïese Era Kainosoïese Era
Kambrium Ordovisium Siluur Devoon Karboon Perm Trias Jura Kryt Paleogeen Neogeen Kwartêr