Poets

in Wikipedia, die vrye ensiklopedie
Spring na: navigasie, soek
P.T. Barnum se Fidjiaanse meermin van 1842 ('n apie en vis wat aan mekaar vasgewerk is).

'n Poets (Engels: hoax) is 'n grap of streek wat getrek word. Dit kan verskeie vorme aanneem, soos: roemers wat versprei word, gefabriseerde inligting waarmee mense op April-gekkedag vir die gek gehou word en bedrieglike e-posse wat valshede op die Internet versprei.

Die gevolge van 'n poets kan wissel van minder ernstig ('n grap) tot algemene paniek en skadelike optrede deur persone wat geteiken word. Die ernstige gevalle kan die aanhitser van 'n poets selfs strafregtelik vervolg word.

Internet[wysig]

Poetse is veral algemeen op die Internet waar disinformasie maklik aan honderde persone op 'n keer gestuur kan word. Van die algemene voorbeelde sluit in e-posse wat aandui dat die ontvanger miljoene rande gewen het, gekies is om 'n eregraad te ontvang, of dat geld van sy rekening verhaal is. Die doel van die e-posse is dikwels om die persoon se e-pos en ander persoonlike inligting te bevestig of 'n virus te versprei. In ekstreme gevalle kan persone selfs oorreed word om hulle wagwoorde, kredietkaartnommers en ander sensitiewe inligting vir die pleeg van bedrog te bekom.

Voorbeelde[wysig]

Sluipmoord op Bill Gates[wysig]

In 2003 het verskeie Sjinese en Suid-Koreaanse webwerwe beweer dat CNN gerapporteer het dat Bill Gates, die stigter van Microsoft, vermoor is. Die gevolg was dat die Suid-Koreaanse aandelemark met 1,5% geval het.[1]

Die verdeling van Bill Gates se fortuin[wysig]

Die e-pos het aangedui dat Bill Gates se geld verdeel gaan word en dat almal wat op die e-pos reageer 'n duisend euro sal ontvang. Die e-pos lyk eg en dui ook aan dat sommige mense (na bewering) reeds geld ontvang het.

Verwysings[wysig]

  1. "Bill Gates hoax hits Korean market", BBC News, 4 April 2003. URL besoek op 29 Maart 2007.