Prins William, Hertog van Cambridge

in Wikipedia, die vrye ensiklopedie
Spring na: navigasie, soek
Prins William
Prins William, Hertog van Cambridge
William Wales 2008.jpg
Volle naam William Arthur Philip Louis
Eggenote Catherine, Hertogin van Cambridge
Titels Prins William, Hertog van Cambridge
Huis Windsor
Vader Charles, Prins van Wallis
Moeder Diana, Prinses van Wallis
Gebore 21 Junie 1982, Paddington,
Westminster
Kinders Prins George
William en Kate
Op die balkon van Buckinghampaleis ná die bruilof

Prins William, Hertog van Cambridge (Engels: Prince William, Duke of Cambridge), [1] volle naam: William Arthur Philip Louis (gebore 21 Junie 1982 in Paddington, Westminster) is die oudste seun van die Britse kroonprins Charles en wyle prinses Diana, wat in 1997 oorlede is. Hy is die tweede aanspraakmaker op die Britse troon.

Lewensloop[wysig]

Prins William het aan Eton Kollege skoolgegaan, daarna geografie aan die Skotse Universiteit van St. Andrews gestudeer en 'n militêre opleiding by die Militêre Akademie Sandhurst voltooi. Hy is 'n vlieënier op 'n reddingshelikopter vir die Britse Lugmag.

Hy is op 29 April 2011 getroud met Kate Middleton (nou Catherine, Hertogin van Cambridge), wat hy in 2001 aan die Universiteit van St. Andrews leer ken het. Hulle was sedert 2002 in 'n verhouding en het in Oktober 2010 verloof geraak. Die 17de-eeuse Engelse generaal Thomas Fairfax is 'n gemeenskaplike voorouer van William en Kate. Op 22 Julie 2013 is William en Catherine se eersteling, prins George van Cambridge (volle name: George Alexander Louis),[2] gebore. Dit is die eerste keer sedert 1894-1901, tydens die bewind van koningin Victoria, dat drie geslagte troonopvolgers gelyk lewend is.[3]

Prins William is 'n lid van die Kerk van Engeland, soos gebruiklik deur die Britse koninklike familie. Hy het 'n jonger broer, prins Harry (gebore 1984). Deur hulle moeder stam hulle af van die 17de-eeuse Engelse koning Karel II.

William het saam met sy vader, stiefmoeder en broer in Clarence House gewoon. Nou woon hy saam met Catherine in Anglesey, 'n eiland aan die noordweskus van Wallis.

Aanspreekvorm[wysig]

  • Voor 29 April 2011: SKH Prins William van Wallis (Engels: HRH Prince William of Wales)
  • Sedert 29 April 2011: SKH die Hertog van Cambridge (Engels: HRH The Duke of Cambridge)

Volle aanspreekvorm in die Engelse taal: His Royal Highness The Prince William Arthur Philip Louis, Duke of Cambridge, Earl of Strathearn, Baron Carrickfergus, Royal Knight Companion of the Most Noble Order of the Garter Master of Arts.

Verwysings[wysig]

  1. Tot 29 April 2011: Prins William van Wallis (Engels: Prince William of Wales).
  2. Royal baby: Kate and William name their son George Alexander Louis”. Yahoo News. 24 Julie 2013. URL besoek op 24 Julie 2013.
  3. Saul, Heather, "Royal baby: Three heirs to the throne in line for first time – and the fact it's a boy avoids gender issue", 22 Julie 2013. URL besoek op 23 Julie 2013.

Bronne[wysig]

  • Engelse en Nederlandse Wikipedias.

Eksterne skakels[wysig]

Commons-logo.svg
Wikimedia Commons het meer media verwant aan: