Rosetta-ruimtetuig

in Wikipedia, die vrye ensiklopedie
Spring na: navigasie, soek
Die Rosetta-ruimtetuig
Trajek van die Rosetta-ruimtetuig

Die Rosetta-ruimtetuig is 'n ruimtetuig van die Europese Ruimteagentskap. Dit is op 2 Maart 2004 gelanseer met die doel om na 'n 10-jaar lange reis die komeet 67P/Churyumov-Gerasimenko te bereik en daarop te land. Op 6 Augustus 2014 het die tuig, nadat dit 6,4 miljard kilometer afgelê het, uiteindelik sy bestemming bereik. In die proses het dit verskeie kere by die Aarde en Mars verbygeskuur om deur die slingervel-metode te versnel, sodat dit 'n snelheid soortgelyk aan die komeet s'n kon bereik. Die Rosetta se landingstuig, Philae, sal op 9 November 2014 op die komeet land. Philae sal dan 'n gat in die komeet boor om die samestelling daarvan te ontleed. Dié inligting word benodig om die ontstaan van die Aarde en die heelal beter te verstaan.[1]

Verwysings[wysig]

Eksterne skakels[wysig]