Rune-alfabet
vanuit Wikipedia, die vrye ensiklopedie.
Die rune-alfabet of Futhark is die oudste bekende alfabet wat in die Germaanse lande in gebruik was. Die rune-alfabet bestaan uit letters wat hoofsaaklik saamgestel is uit regte en hoekige lyne wat maklik in steen of hout ingegrafeer kon word.
Elke letter in die Rune-alfabet bestaan uit reguit strepe en stel 'n letter voor asook 'n faset van menslike ervaring en geestelike energie.
Inhoud |
[wysig] Oorsprong
Die oorsprong van die rune-alfabet is onseker. Die oudste verwysing na 'n Rune-alfabet kom in 'n digvorm en dateer uit die 9de eeu. Een van die teorieë is geformuleer deur CJS Marstrander en M Hammarström, onderskeidelik in 1928 en 1930. Die teorie stel voor dat die Rune-alfabet ontwikkel het uit Noord Italië, binne die konteks van die Etruskiese alfabet. Die Etruskiese alfabet het ontwikkel uit die Fenisiese alfabet of uit die antieke griekse alfabet.
Die term "Rune" beteken geheimenis of fluistering. Die oudste rune-alfabet staan bekend as die ou FUTHARK waar elke letter verwys na die eerste ses simbole in die stelsel. Die ou Futhark bestaan uit 24 rune-inskrifte in 'n spesifieke volgorde, wat verdeel is in drie groepe van agt inskrifte.
[wysig] Ou Futhark
Die ou Futhark bestaan uit die volgende simbole en hul betekenisse:
- Fehu - Rykdom en vooruitstrewendheid
- Urus - Fisiese en verstandelike gesondheid
- Thurisas - Verdediging en beskerming
- Ansus - Kommunikasie en kundigheid
- Raidho - Vervoer en verandering
- Kenas - Kreatiwiteit en produktiwiteit
- Gebo - Verbinding en verhoudings
- Wunjo - Geluk en harmonie
- Hagalas - Oorsaak-gevolg en geleentheid
- Naudis - Behoefte en kwytskelding
- Isa - Stilte en afwagting
- Jera - Oes en vergoeding
- Eihwas - Bestuur en insig
- Perdhro - Geluk en samewerking
- Algis - Leiding en hulp
- Sowilo - Krag en motivering
- Tiwas - Oorwinning en regverdigheid
- Berkana - Versorging en wedergeboorte
- Ehwas - Venootskap en werk
- Mannas - Menslikheid en samehorigheid
- Lagas - emosies en die onbewuste
- Ingwas - Avontuur en sukses
- Dagas - Balans en selfvernuwing
- Othala - Familie en tuiste
[wysig] Historiese gebruik
Die runes is onder die Germaanse stamme in die vroeë middeleeue gebruik vir inskrifte in steen of metaal. In Skandinawië was dit nog nog laat in gebruik gewees.
[wysig] Moderne gebruik
Rune-skrifte word vandag gebruik vir waarsêery, meditasie en ook om towerkrag op te werk.
