Serzj Sarkisian

in Wikipedia, die vrye ensiklopedie
Spring na: navigasie, soek
Serzj Sarkisian
Սերժ Սարգսյան
Serzj Sarkisian

Serzj Sarkisian in 2009


President van Armenië
Ampsbekleër
Ampsaanvaarding
9 April 2008
Voorafgegaan deur Robert Kotsjarian

Eerste minister van Armenië
Ampstermyn
26 Maart 2007 – 9 April 2008
Voorafgegaan deur Andranik Margarian
Opgevolg deur Tigran Sarkisian

Persoonlike besonderhede
Geboorte 30 Junie 1954
Stepanakert, Azerbeidjanse SSR, Sowjetunie
Eggenoot/eggenote Rita Sarkisian
Kind(ers) Anush
Satenik
Alma Mater Staatsuniversiteit van Jerewan
Religie Armeens-Apostoliese Kerk
Handtekening The signature of Serj Sargsyan.jpg

Serzj Asati Sarkisian (Armeens: Սերժ Ազատի Սարգսյան, Serzj Asati Sargsjan, wetenskaplike transliterasie Serž Azati Sargsyan; * 30 Junie 1954 in Stepanakert, Nagorno-Karabach, Azerbeidjanse SSR) is die huidige staatspresident van Armenië.

Loopbaan[wysig]

Serzj Sarkisian het sy akademiese opleiding tussen 1970 en 1979 in die Fakulteit Filosofie van die Staatsuniversiteit van Jerewan ontvang, met 'n onderbreking tussen 1972 en 1974 waartydens hy sy diensplig voltooi het. Hy was daarna as funksionaris van die Kommunistiese Party van die Sowjetunie en die jeugorganisasie Komsomol in sy geboortestad Stepanakert en in Nagorno-Karabach werksaam.

Sarkisian was aktief betrokke by die politieke beweging wat vir die onafhanklikheidwording van Nagorno-Karabach van die Azerbeidjanse SSR geveg het en het tussen 1989 en 1993 as leier van die Republiek van Nagorno-Karabach se selfverdedigingsmagte gefungeer. Tussen 1990 en 1993 was hy afgevaardigde in die Armeense parlement. In 1993 het Sarkisian sy ministersloopbaan begin en die poste van minister van verdediging (1993-2007) en eerste minister (Maart 2007 tot April 2008) beklee. In Februarie 2008 is hy as opvolger van staatspresident Robert Kotsjarian verkies.

Alhoewel internasionale waarnemers met die verkiesing tevrede was, het die kandidaat Lewon Ter-Petrosian kiesers ná die bekendmaking van die eindresultaat die verkiesing as vervals verklaar en sy ondersteuners opgeroep om betogings te hou. Op 1 Maart 2008 is 'n massabetoging in Jerewan met geweld beëindig.

Op 9 April 2008 het Sarkisian die ampseed as staatspresident van die Republiek van Armenië afgelê.

Privaat lewe[wysig]

Serzj Sarkisian is getroud met Rita Aleksandri Sarkisian (* 6 Maart 1962). Uit die huwelik is twee kinders gebore, waaronder die dogter Satenik (* 17 Augustus 1986).

Sedert 2004 beklee Sarkisian die amp van president van die Armeense Skaakvereniging.

Eksterne skakels[wysig]

Commons-logo.svg
Wikimedia Commons het meer media verwant aan:
Serzj Sarkisian (kategorie)