Azerbeidjanse Sosialistiese Sowjetrepubliek

in Wikipedia, die vrye ensiklopedie
Spring na: navigasie, soek
Azerbeidjanse Sosialistiese Sowjetrepubliek
Азербайджанская Советская Социалистическая Республика
Vlag van Azerbeidjanse SSR Wapen van Azerbeidjanse SSR
Vlag Wapen
Volkslied: Internasionale Volkslied van die Sowjetunie
Ligging van Azerbeidjanse SSR
Hoofstad Bakoe (ook Baki gespel)
Grootste stad Bakoe
Amptelike tale Russies, Azerbeidjans
Regering
Sosialisties
Onafhanklikheid
Bestaan
Van
Tot


28 April 1920
12 Desember 1991
Oppervlakte
 - Totaal
 
 - Water (%)
 
86 600 km2  (9de in USSR)
Bevolking
 - 1989-skatting
 - Digtheid
 
7 037 900 (6de in USSR)
81,3 / km2
Geldeenheid roebel (RUB)
Tydsone
 - Somertyd
+5 (UTC)
+5 (UTC)
Internet-TLD .su
Skakelkode +

Die Azerbeidjanse Sosialistiese Sowjetrepubliek (Azerbeidjans: Azərbaycan Sovet Sosialist Respublikası; Russies: Азербайджанская Советская Социалистическая Республика, Azerbaidjanskaja Sowjetskaja Sotsialistitsjeskaja Respoeblika), ook bekend as die Azerbeidjanse SSR, was een van die republieke van die Sowjetunie.

AzSSR map 1928.jpg

Die republiek is op 28 April 1920 gestig. Van 12 Maart 1922 tot 5 Desember 1936 was dit saam met die Armeense Sosialistiese Sowjetrepubliek en die Georgiese Sosialistiese Sowjetrepubliek deel van die Transkaukasiese SFSR – dié het in Desember 1922 deel geword van die pas gestigte Sowjetunie. Die TSFSR is in 1936 ontbind.

Op 19 November 1990 is die Azerbeidjanse SSR hernoem tot die Republiek van Azerbeidjan, wat deel gebly het van die Sowjetunie tot sy verbrokkeling in 1991.

Omgewingsake[wysig]

Buite die groot olie- en nywerheidstede het Azerbeidjan tydens die Sowjet-Russiese heerskappy sy oorspronklike agrariese karakter bewaar. Dikwels is na die land as 'n uitgestrekte vrugte- en groentetuin verwys. Die ander kant van die werklikheid was dat die landboupraktyke aan grootskaalse agrochemiese omgewingbesoedeling gekoppel was. Buiten Oesbekistan is geen ander Sowjetrepubliek op só 'n ongekende skaal deur pesdoders soos DDT vergiftig nie.

Die toediening van insekdoders het in die Azerbeidjanse SSR rekordvlakke bereik: terwyl die gemiddeld vir die hele Sowjetunie tussen twee en vyf kilogram per hektaar beloop het, is op Azerbeidjanse katoenvelde en groenteplantasies 40 kilogram, en in wingerde selfs 183 kilogram toegedien.[1] Tagtig persent van die pesdoders was volgens internasionale standaarde skadelik vir die mens en die natuurlewe. DDT is nog tot in 1988 toegedien, alhoewel hierdie pesdoder deur die Wêreldgesondheidsorganisasie WHO al in 1970 verban is.

Worteltjies, kool, aartappels en uie was vanweë die hoë nitraatgehalte van plaaslike watervoorrade eintlik ongeskik vir menslike gebruik. Siektes soos anemie, asma, lewerskade of tuberkulose was wydverspreid onder die landelike bevolking.

Verwysings[wysig]

  1. Erhard Stölting: Eine Weltmacht zerbricht. Nationalitäten und Religionen in der Sowjetunion. 3de uitgebreide en hersiene uitgawe. Frankfurt am Main: Eichborn 1991, bl. 270


Republieke van die Sowjetunie

Armeense Sosialistiese SowjetrepubliekAzerbeidjanse Sosialistiese SowjetrepubliekEstniese Sosialistiese SowjetrepubliekGeorgiese Sosialistiese SowjetrepubliekKazachstanse Sosialistiese SowjetrepubliekKirgisiese Sosialistiese SowjetrepubliekLettiese Sosialistiese SowjetrepubliekLitause Sosialistiese SowjetrepubliekMoldawiese Sosialistiese SowjetrepubliekOekraïnse Sosialistiese SowjetrepubliekOezbekistanse Sosialistiese SowjetrepubliekRussiese Sosialistiese Federale SowjetrepubliekTadjikistanse Sosialistiese SowjetrepubliekTurkmeense Sosialistiese SowjetrepubliekWit-Russiese Sosialistiese Sowjetrepubliek