Siaan

Siaan is 'n suiwer spektrale kleur, maar dieselfde tint kan ook voortgebring word deur gelyke hoeveelhede groen en blou lig te meng. Siaan is dus die komplement van rooi: siaanpigmente absorbeer rooi lig. Siaan word ook soms blougroen genoem, en word dikwels nie van ligblou onderskei nie.

'n Voorbeeld van 'n siaankleur in die RGB kleurspasie het sterktes <0, 255, 255> op 'n 0 tot 255 skaal.

Siaan is een van die algemene inke wat in vierkleur-drukwerk gebruik word, tesame met magenta, geel en swart; hierdie stel kleure word na verwys as CMYK.

Sekere tinte in verwante spectra wat sterk met siaan ooreenkom, is turkoois, neonblou en akwamaryn.

Kleurkoördinate

• Hex triplet = #00FFFF
• RGB = (0, 255, 255)
• CMYK = (255, 0, 0, 0)
• HSV = (180, 100, 100)

Sien ook

• Lys van kleure