Sjiwa

in Wikipedia, die vrye ensiklopedie
Spring na: navigasie, soek
Sjiva (Śiva)
Standbeeld van Sjiva in Bangalore wat hom vertoon tydens meditasie
Standbeeld van Sjiva in Bangalore wat hom vertoon tydens meditasie
God van vernietiging
Devanagari: शिव
Affiliasie: Trimurti
Abode: Kailashberg Kailāsa[1]
Mantra: Aum Namah Sivaya
Wapen: (Trisjula (Sanskrit: त्रिशूल), Drietandvurk
Metgesel: Parvati of Sati of Sjakti of Doerga en Ganga
Rydier: Nandi (bul)

Sjiwa (uitspraak: [ʃɪ.ʋə]; Sanskrit: शिव, Śiva, letterlik "Die gunstige" ) of Siwa is 'n belangrike Hindoegod en een aspek van Trimurti. In die Sjaiwa tradisie van Hindoeïsme word Sjiwa as die opperste God gesien. In die Smarta tradisie is hy een van die vyf primêre vorms van God.[2][3]

Hindoevolgelinge wat hulle aanbidding op Sjiwa toespits staan bekend as Sjiwaïete (Sanskrit Śaiva).[4] Sjiwaïsme, te same met Vaiṣṇava tradisies wat op Wisjnoe fokus en Śākta tradisies wat op die godin Devī fokus is die drie mees invloedryke denominasies in Hindoeïsme.[3]

Sjiwa word normaalweg in die vorm van Sjiwa linga aanbid. In beelde word hy gewoonlik uitgebeeld in meditasie verdiep of terwyl hy die Tandava op Maja, die demoon van onkunde, dans in sy manifestasie van Nataraja, die heer van die dans.

In sommige ander Hindoedenominasies verteenwoordig Brahma, Wisjnoe, en Sjiwa die drie primere aspekte van die goddelike en staan hulle gesamentlik as Trimurti of "drie-eenheid" bekend. In hierdie geestelike leerskool is Brahma die skepper, Wisjnoe die instandhouder op bewaarder en Sjiwa die vernietiger of vervormer.[5]


Verwysings[wysig]

  1. Vir die naam Kailāsagirivāsī (Sanskrit कैलासिगिरवासी), "With his abode on Mount Kailāsa", as 'n naam wat in die Shiva Sahasranama verskyn sien: Sharma 1996, p. 281.
  2. http://www.himalayanacademy.com/resources/books/dws/dws_mandala-02.html
  3. 3,0 3,1 Flood (1996), p. 17.
  4. Tattwananda, p. 45.
  5. Zimmer (1972) p. 124.