Slag van die Twee Riviere

in Wikipedia, die vrye ensiklopedie
Spring na: navigasie, soek
Slag van die Twee Riviere
Deel van Tweede Vryheidsoorlog
Battle of Modder River Map.png
Die Slag van die Twee Riviere
Datum 28 November 1899
Ligging Modderrivier
Resultaat Britse oorwinning
Strydende partye
Flag of the United Kingdom.svg Verenigde Koninkryk Flag of Transvaal.svg Zuid-Afrikaansche Republiek
Flag of the Orange Free State.svg Oranje-Vrystaat
Bevelvoerders
Lord Methuen Flag of Transvaal.svg Piet Cronje
Flag of the Orange Free State.svg Koos de la Rey
Sterkte
8 000 9 000
Ongevalle
72 75

Die Slag van die Twee Riviere (aan die Britte bekend as die Battle of Modder River) het op die 28ste November 1899 tydens die Tweede Vryheidsoorlog by die sameloop van die Modderrivier en die Rietrivier plaasgevind naby die N12 nasionale pad. Generaal de la Rey het na die veldslae te Graspan en Belmont waargeneem dat die ou Boerestrategie om koppe in te neem nie meer 'n volhoubare strategie was nie aangesien die koppies nie net binne bereik was van die Britse kanonne nie maar ook uitstekende teikens vir die artillerie was. Verder het die styl hellings van die koppe ook goeie dekking aan die aanvalsmag verleen as hulle eers die voet van die kop bereik het. Hy het besef dat gelyke grond veel beter skuiling kon bied en ook 'n meer doeltreffender skootveld aan die moderne gewere besorg het. Generaal de la Rey het ook anders as die gewone gebruik om 'n rivier as hindernis te gebruik, sy burgers aan die suidekant, sowat 50 tot 'n 100 meter van die rivierwal af laat ingrawe. Generaal de la Rey se Transvalers saam met sowat 'n 1200 burgers onder bevel van Generaal Piet Cronjé het die Boeremagte op ongeveer 3500 tot 4000 te staan gebring. Hulle het ses Krupp-kanonne en ten minste vier pom-pom masjiengewere by hul gehad. Die Britse magte het uit ongeveer 10 000 manskappe bestaan met drie artillerie-batterye asook vier swaar 12-pond skeepskanonne.

Om 04h00 die oggend van die 28ste was die Britse mag aan't opmars na die Modderrivier-brug (die spoorbrug loop vandag nog op dieselfde plek oor die rivier en 'n replika van 'n blokhuis kan vandag nog daar gesien word). Lord Methuen wat die Boeremagte op die koppe verwag het, het reguit in die Boere se lokval ingestap. Die skietgeveg tussen die twee magte het 'n volle 10 uur lank geduur. Die Britte was aanvanklik vasgepen op die oop veld maar 'n aanval op die Boeremagte se regterflank was suksesvol en het die Boere genoop om te ontrek. Die Britse verliese was 70 sterfgevalle en 413 gewondes; Methuen self is in die regterheup gewond tydens die geveg. Aan die Boeremagte se kant het 16 soldate gesneuwel, 66 gewond en 13 manskappe is gevange geneem.

Verwysings[wysig]

  • A Tourist Guide to the Anglo Boer War 1899-1902, Tony Westby-Nunn, Westby-Nunn Publishers cc., ISBN 0-620-24978-1
  • Magersfontein, revisited 10-12 Desember 1899, Steve Lunderstedt en Garth Benneyworth, Kimberley Marketing and Promotions, 2001, ISBN 0-620-27802-1