Sluiterprioriteit

in Wikipedia, die vrye ensiklopedie
Spring na: navigasie, soek
’n Kamera wat op sluiterprioriteit gestel is.

Sluiterprioriteit, dikwels afgekort as S of Tv (vir time value) in fotografie is ’n stelling by sommige kameras wat die fotograaf in staat stel om ’n spesifieke sluiterspoed te kies terwyl die kamera die lensopening sal kies om die regte beligting te verseker. Dit verskil van die handmodus, waar die gebruiker albei waardes self kies, lensopeningprioriteit, waar die gebruiker ’n lensopening kies en die kamera die regte sluiterspoed, of die programmodus, waar die kamera albei waardes kies.

’n Stadiger sluiterspoed word dikwels verkies om die indruk van beweging te skep. As ’n waterval met ’n stadige sluiterspoed afgeneem word, sal dit wasig lyk. By sport- of aksiefotografie kan ’n vinnige sluiterspoed weer die aksie "vries".

Op die modusskyf van kameras word dit soms afgekort as "S" (by Nikon, Minolta, Konica Minolta, Sony, Olympus en Sigma) of "Tv" (by Canon, Pentax en Leica).

Sien ook[wysig]