Spaanse Burgeroorlog

Spaanse Burgeroorlog
Gernika na die bomaanval op die dorpie
Datum 17 Julie 1936 – 1 April 1939 Ligging Kontinentale Spanje, Spaans Marokko, Spaans-Sahara, Kanariese Eilande, Baleariese Eilande, Spaans-Guinee, Middellandse See Resultaat Nasionaliste oorwinning
Strydende partye
Spaanse Republiek Met die ondersteuning van: Sowjetunie Internasionale Brigades	Nasionaliste Spanje Met die ondersteuning van: Italië Duitsland Portugal
Bevelvoerders
Manuel Azaña Julián Besteiro Lluís Companys Francisco Largo Caballero Juan Negrín Indalecio Prieto	Francisco Franco Gonzalo Queipo de Llano Emilio Mola José Antonio Primo de Rivera José Sanjurjo Juan Yagüe
Sterkte
450 000 infanterie 350 vliegtuie 200 batterye	600 000 infanterie 600 vliegtuie 290 batterye
Ongevalle
~500,000

Die Spaanse Burgeroorlog (Spaans: Guerra Civil Española, Katalaans: Guerra civil espanyola) was 'n burgeroorlog in Spanje wat begin het na 'n staatsgreeppoging uitgevoer deur dele van die leër teen die regering van die Tweede Spaanse Republiek. Die burgeroorlog het in Spanje gewoed van 17 Julie 1936 tot 1 April 1939 en het geëindig met die oorwinning van die rebelle en die daarstel van 'n diktatorskap gelei deur die Nasionalistiese Generaal Francisco Franco. Die ondersteuners van die Republiek, of Republikeine (republicanos), het die ondersteuning van die Sowjetunie en Mexiko verkry, terwyl ondersteuners van die Rebellie, ook bekend as Nasionales (nacionales), die bystand van die hoof Europese As-magte Duitsland en Italië verkry het. Die VSA het amptelik neutraal gebly, maar het vliegtuie aan die Republiek en brandstof aan die Francisco Franco-regime verkoop.

Aanloop tot die oorlog

Historiese konteks

Spanje het in die eeu voor die uitbreek van die Spaanse Burgeroorlog verskeie burgeroorloë en opstande deurgemaak, uitgevoer deur beide hervormers en konserwatiewes wat mekaar se mag wou onttroon. Terwyl die hervormers die absolutistiese monargie in Spanje wou vervang, die ou regime tot 'n einde te bring en 'n nuwe modelstaat stig, wou die meeste tradisionalistiese sektore in die politieke sfeer die hervormings stelselmatig vermy en die monargie bewaar. Die Infante Carlos en sy nasate het hulle onder die slagspreuk "God, Land en Koning" geskaar en vir die saak van Spaanse tradisie, absolutisme en Katolisisme geveg teen die liberalisme en later die republikanisme van die Spaanse regerings van hulle tyd. Inisiatiewe soos die stigting van die Eerste Spaanse Republiek in 1873 het begin om neigings in die Spaanse konsep van die Staat te vestig.

Kaarte

• 

  Oorsig oor die Spaanse Burgeroorlog.

• 

  Ontwikkeling van die Spaanse Burgeroorlog.

• 

  Die Spaanse Burgeroorlog tussen Augustus en September 1936.

• 

  Die Spaanse Burgeroorlog in 1937.

• 

  Die Spaanse Burgeroorlog op November 1938.