Stowe, Vermont

in Wikipedia, die vrye ensiklopedie
Stowe
Stad
Stowe in die winter
Stowe in die winter
Ligging van Stowe in Vermont, VSA
Ligging van Stowe in Vermont, VSA
Koördinate: 44°28′31″N 72°42′08″W / 44.47528°N 72.70222°W / 44.47528; -72.70222Koördinate: 44°28′31″N 72°42′08″W / 44.47528°N 72.70222°W / 44.47528; -72.70222
LandVlag van Verenigde State van Amerika Verenigde State
DeelstaatVermont
CountyLamoille
Oppervlak
 • Totaal188,4 km2 (72,7 vk. myl)
 • Land188,2 km2 (72,6 vk. myl)
 • Water0,2 km2 (0,1 vk. myl)
Hoogte
295 m (968 ft)
Bevolking
 • Totaal4 339
 • Digtheid23,1/km2 (59,7/vk. myl)
TydsoneUTC-05:00 (EST)
 • SomertydUTC-04:00 (EDT)
ZIP-kode
05672
Skakelkodes802
Webwerftownofstowevt.org

Stowe is 'n dorp in die Lamoille-distrik van die Amerikaanse deelstaat Vermont (Nieu-Engeland) met 4 339 inwoners volgens die sensus van die jaar 2000. Die eerste nedersetting het in 1794 ontstaan, en die dorp is in 1896 geïnkorporeer. Stowe is 'n gewilde toeristebestemming en een van die grootste ski-oorde in Nieu-Engeland.

Geografie[wysig | wysig bron]

Stowe het volgens die Sensusburo van die Verenigde State 'n totale oppervlak van 188,4 vierkante kilometer (72,7 vierkante myl), waarvan 188,2 vierkante kilometer land en 0,2 vk km of 0,1 persent water. Ten opsigte van sy oppervlak is dit die grootste dorp in die deelstaat Vermont.

Demografie[wysig | wysig bron]

Volgens die 2000-sensus was daar 1 905 huishoudings en 1 129 gesinne in die dorp. Die bevolkingsdigtheid was 23,1 inwoners per vierkante kilometer of 59,7 inwoners per vierkante myl. Van die bevolking was 97,51 persent Blankes, 0,28 persent Swartes, 0,37 persent Indiane, 0,44 persent Asiate, 0,23 persent van ander etniese afkoms, en 1,18 prsent van gemengde afkoms.

Die gemiddelde jaarlikse inkomste van 'n huishouding was VSA-$ 52 378 en dié van 'n gesin VSA-$ 64 700. Die gemiddelde jaarlikse inkomste van mans was VSA-$ 37 788 teenoor vroue se VSA-$ 31 689. Die per-capita-inkomste in Stowe was VSA-$ 35 474. Sowat 3,7 persent van die gesinne en 6,8 persent van die totale bevolking was onder die broodlyn.

Ekonomie[wysig | wysig bron]

Die plaaslike ekonomie steun oorwegend op toerisme. 'n Groot aantal lodges, winkels en restourante verskaf hulle dienste veral aan toeriste. Die skigebied van Stowe Bergoord is die belangrikste werkgewer tydens die winter.

Alhoewel Stowe vir sy skisportgeriewe bekend staan, is die somer nogtans die belangrikste toeristeseisoen in Stowe, wat meer inkomste oplewer as die ander drie seisoene.

Die plaaslike nywerhede, wat vroeër skoene vervaardig het, is intussen gesluit, nadat hulle bedrywighede na China verskuif is. Ander plaaslike produkte sluit kano's, elektroniese uitrusting, houtprodukte en esdoringsuiker in. Melkboerdery, veeteelt en handel met ou kunswerk is eweneens belangrike bronne van inkomste.

Ontspanning[wysig | wysig bron]

Skisport[wysig | wysig bron]

Mount Mansfield is Vermont se hoogste bergspits en 'n skigebied van wêreldgehalte. Die Front Four-skipaaie (National, Lift Line, Starr en Goat) behoort tot die uitdagendste en mees bekende skipaaie in die land, wat geskik is vir almal, van beginners tot die mees gevorderdes. Die laer geleë Spruce Peak-bergspits is geskik vir beginners en gevorderdes. Stowe Bergoord word dikwels "Die Ski-hoofstad van die Ooste" genoem.

Stowe Ontspanningspad[wysig | wysig bron]

Die Stowe Ontspanningspad, wat algemeen bekend staan as die Stowe Fietspad, is 'n ontspanningspad, wat oor 'n afstand van 5,3 myl loop en in 1989 teen 'n koste van VSA-$ 680 000 voltooi is. Die Fietspad het verskeie toekennings ontvang.

Eksterne skakels[wysig | wysig bron]

Flag of Vermont Deelstaat Vermont
Onderwerpe

Grondwet | Kultuur | Geografie | Regering | Geskiedenis | Ekonomie | Stede | Nedersettings in Vermont

Hoofstad

Montpelier

Streke

Champlainvallei | Groen Berge | Mount Mansfield | Northeast Kingdom

Distrikte

Addison | Bennington | Caledonia | Chittenden | Essex | Franklin | Grand Isle | Lamoille | Orange | Orleans | Rutland | Washington | Windham | Windsor

Stede

Barre | Burlington | Montpelier | Newport | Rutland | South Burlington | St. Albans | Vergennes | Winooski

Dorpe

Bennington | Calais | Stowe | Williston