Sutherland, Nieu-Suid-Wallis
Sutherland is 'n woonbuurt in die suide van Sydney in die staat Nieu-Suid-Wallis, Australië. Sutherland is sowat 26 kilometer suid van Sydney se sakekern en is ook die administratiewe setel van die Sutherland Shire plaaslike regeringsgebied.
[wysig] Nywerheidsgebied
Sutherland is meestal 'n woonbuurt met 'n winkelsentrum wat naby ana die Sutherland treinstasie geleë is. Sommige kommersiële ontwikkelings is ook lang die Princess Highway geleë. As die administratiewe setel van die Sutherland Shire, het Sutherland fasiliteite soos 'n algemene vermaaklikheidsentrum waar insweringseremonies vir nuwe burgers onder andere plaasvind, 'n gemeenskapsentrum, plaaslike regeringskantore en 'n groot sentrale biblioteek. Woronora begraafplaas is aan die westelike grens van die woonbuurt geleë.
[wysig] Vervoer
Sutherland is 'n aansluitingspunt op die Illawarra lyn van City Rail se spoornetwerk. Die hooflyn loop suid na Waterfall en Wollongong en noord na die middelpunt van Sydney met 'n vertakking wat vanaf dié woonbuurt na die ooste in Cronulla se rigting loop.
Veolia Transport het 'n busterminaal in Sutherland aan beide kante van die Sutherland treinstasie. Dienste aan die oostekant van die stasie verbind Westfield Miranda, Gymea, Kirrawee en Grays Point met mekaar. Dienste aan die westekant verbind Loftus, Engadine, Heathcote, Menai, Illawong, Padstow, Bankstown en Woronora met mekaar.
