Nieu-Suid-Wallis
vanuit Wikipedia, die vrye ensiklopedie.
Nieu-Suid-Wallis is 'n Australiese deelstaat in die suidooste van die land. Die deelstaat beslaan 801428 km2 en is die deelsaat met die grootste bevolking sowel as die oudste van die state en gebiede. Dit word in die suide begrens deur Victoria en in die noorde deur Queensland. Die hoofstad en grootste stad is Sydney.
Inhoud |
[wysig] Geskiedenis
Nieu-Suid-Wallis is in 1788 gestig en het oorspronklik 'n groot gedeelte van die vasteland beslaan. Die staat is vernoem deur kaptein James Cook, wat in 1770 voet aan wal gesit het in Botany Bay. Die eerste nedersetting is in 1788 in Nieu-Suid-Wallis begin.
[wysig] Geografie
Die staat bestaan uit 12 statistiese afdelings. Die laagliggende gebiede aan die kus lei na tafellande, wat gevorm word deur die Great Dividing Range. Die vernaamste kusriviere van Nieu-Suid-Wallis is die Hawkesbury, Hunter, Macleay en Clarence. Die vernaamste binnelandse riviere is die Darling, Murray, Murrumbridge, Lachlan en Macquarie-Bogan.
[wysig] Stede
Naas Sydney is ander belangrike stede Newcastle, Wollongong en Broken Hill.
[wysig] Ekonomie
Die belangrikste ekonomiese bedrywighede in die deelstaat is vleisbeeste, suiwelboerdery, wol, graan, vissery, bosbou, tekstiele en elektriese masjinerie, chemikalieë en voedselverwerking. Mynbou behels onder meer sink, lood en steenkool.
| {{{beeld_links}}} | Deelgebiede van Australië | {{{beeld_regs}}} |  |
|---|---|---|---|
|
Nieu-Suid-Wallis - Queensland - Suid-Australië - Tasmanië - Victoria - Wes-Australië |
