Nieu-Suid-Wallis

New South Wales Nieu-Suid-Wallis
(Vlag van Nieu-Suid-Wallis) (Landswapen van Nieu-Suid-Wallis)
Bynaam : First State, Premier State
Leuse : "Orta Recens Quam Pura Nites" (Newly Risen, How Brightly You Shine)
Ander deelstate en gebiede van Australië
Land	Australië
Hoofstad	Sydney 33°51′S 151°12′O
Grootste stad	Sydney
Goewerneur	Marie Bashir
Premier	Kristina Keneally (ALP)
Oppervlakte	809 444 km²
- Land	800 642 vk km
- Water	8 802 vk km (1,09%)
Bevolking (2009)
- Totaal	7 099 700 inw.
- Digtheid	8,87 inw./vk km
Posafkorting	NSW
Tydsone	UTC +10
Webwerf	www.nsw.gov.au

Nieu-Suid-Wallis is 'n Australiese deelstaat in die suidooste van die land. Die deelstaat beslaan 801428 km² en is die deelsaat met die grootste bevolking sowel as die oudste van die state en gebiede. Dit word in die suide begrens deur Victoria en in die noorde deur Queensland. Die hoofstad en grootste stad is Sydney.

Geskiedenis

Nieu-Suid-Wallis is in 1788 gestig en het oorspronklik 'n groot gedeelte van die vasteland beslaan. Die staat is vernoem deur kaptein James Cook, wat in 1770 voet aan wal gesit het in Botany Bay. Die eerste nedersetting is in 1788 in Nieu-Suid-Wallis begin.

Geografie

Die staat bestaan uit 12 statistiese afdelings. Die laagliggende gebiede aan die kus lei na tafellande, wat gevorm word deur die Great Dividing Range. Die vernaamste kusriviere van Nieu-Suid-Wallis is die Hawkesbury, Hunter, Macleay en Clarence. Die vernaamste binnelandse riviere is die Darling, Murray, Murrumbridge, Lachlan en Macquarie-Bogan.

Stede

Naas Sydney is ander belangrike stede Newcastle, Wollongong en Broken Hill.

Ekonomie

Die belangrikste ekonomiese bedrywighede in die deelstaat is vleisbeeste, suiwelboerdery, wol, graan, vissery, bosbou, tekstiele en elektriese masjinerie, chemikalieë en voedselverwerking. Mynbou behels onder meer sink, lood en steenkool.

Eksterne skakels

• Kaart van suidooste van Australië van Geoscience Australia
• Die deelstaat se amptelike webwerf
• Die deelstaat se parlement
• NSW se polisie
• NSW se deelstaatwette
• Die deelstaatbiblioteek se geskiedenis van Australië
• NSW en Sydney se weer