Terence Bridgett
| Terence Bridgett | |
| Alias | 11 April 1975 |
|---|---|
| Geboorte | Kaapstad |
| Nasionaliteit | Suid-Afrika |
| Beroep(e) | Akteur |
| Internet-rolprentdatabasis-profiel | |
Terence Bridgett is 'n Suid-Afrikaanse akteur en skrywer wat in Afrikaans en Engels werk. Van die Afrikaanse produksies waarin hy verskyn het, is: Pieter Jacobs se Plofstof, Wikus du Toit se Sing! (onder regie van Alby Michaels), Paul Slabolepszy se Konsternasie oppie stasie en Elsa Joubert se Poppie (onder regie van Sandra Kotzé). Hy het ook in talle Afrikaanse flieks en TV-reekse gespeel. In 2011 is hy met 'n ATKV-veertjie as beste akteur in ’n sepie vir sy spel in 7de Laan bekroon.[1]
Bridgett is op 11 April 1975 in Kaapstad gebore, 'n laatlammetjie en enigste seun van vyf kinders. Hy begin sy skoolloopbaan by die Drakensberg-seunskool en matrikuleer van SACS. Daarna studeer hy aan die Universiteit van Kaapstad se dramaskool waar hy 'n BA in Spraak en Drama verwerf.
Filmografie[wysig | wysig bron]
Seleksie van die flieks waarin hy verskyn het:
- Knysna, 2014 as Petrus
- Musiek vir die agtergrond, 2013 as John
- Jimmy in pienk, 2013 as Bunny
- Pretville, 2012 as Pierre Lukuveer
- Stoute Boudjies, 2010 as Prince Omar Aziz
Seleksie van TV-programme:
- Rugby Motors, 2012 as Killer
- Erfsondes, 2012 as Wong September
- Konsternasie oppie stasie, 2009 as Clayton La Toiya
- 7de Laan, 2000 as Jerome
- Binneland Sub Judice
Verwysings[wysig | wysig bron]
- ↑ HAT Taal-en-feitegids, Pearson, Desember 2013, ISBN 978-1-77578-243-8
