The Phantom Ship
The Phantom Ship
| |
|---|---|
| |
Die titelplaat van die 1847-uitgawe.
| |
| Skrywer | Frederick Marryat |
| Taal | Engels |
| Genre | Gotiese roman |
| Uitgewer | E.L. Carey & A. Hart |
| Uitgegee | Mei 1839 |
The Phantom Ship (1839) is 'n Gotiese roman deur Frederick Marryat oor die legende van die skip Vlieënde Hollander. 'n Nederlandse vertaling, Het spookschip De Vliegende Hollander, het in dieselfde tyd (1838-'39) verskyn.
Storielyn[wysig | wysig bron]
Die storielyn het betrekking op die soeke van Philip Vanderdecken van Terneuzen in Nederland om sy vader te red wat verdoem is om vir ewig die kaptein van die spookskip die Vlieënde Hollander te wees nadat hy 'n oorhaastige eed afgelê en een van die bemanningslede vermoor het terwyl hy om die Kaap die Goeie Hoop probeer seil het. Toe Vanderdecken se moeder sterf, hoor hy daar is 'n manier om sy pa se rustelose siel weer te laat bedaar. Hy belowe om ter see te bly totdat hy persoonlik met sy pa gepraat en hom gehelp het.
Vanderdecken seil in verskeie skepe om die wêreld, in diens van die Verenigde Oos-Indiese Kompanjie, sodat hy vir sy vader die reliek van die Heilige Kruis wat hy om sy nek dra, kan gee. Sy soeke bring hom egter in konflik met aardse en onaardse magte, want die Vlieënde Hollander bring onheil oor almal wat die skip sien.
Temas[wysig | wysig bron]
Die legende van die Vlieënde Hollander vorm die agtergrond van die verhaal en maak verskeie kere 'n terugkeer terwyl Marryat nog bonatuurlike besonderhede bylas. Die heldin is Amine, die dogter van ene mynheer Poots, 'n gierigaard. Sy het Arabiese bloed in haar are en besit van die geheime van Arabiese towerkrag,[1] maar die onverskillige gebruik van haar towerkuns bring haar na die kerkers van die Inkwisisie by Goa.[1]
Daar is ook Schrifter, die demoonstuurman; Krantz, met 'n grilverhaal in die Harzberge;[1] wreedaardige monnike; en spoke wat nie verdrink kan word nie.[2]
Publikasie[wysig | wysig bron]
Die roman het die eerste keer van Maart 1837 tot Augustus 1839 as 'n reeks in The New Monthly Magazine verskyn. Die hoofstuk oor 'n weerwolf het dikwels in versamelings van bonatuurlike fiksie apart verskyn as The White Wolf of the Hartz Mountains.
Verwysings[wysig | wysig bron]
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
