Veldsteenkerk

in Wikipedia, die vrye ensiklopedie
Spring na: navigasie, soek
Kloosterkerk in Zinna, deelstaat Brandenburg, Duitsland
Die muurwerk van die veldsteenkerk in die voormalige dorp en landgoed Giesensdorf wat tans deel uitmaak van Berlyn
Veldsteenkerk in Tyrvää naby Vammala, Finland (1510)

Veldsteenkerke is kerkgeboue wat van swerfstene gebou is, meestal as dorpskerke op die platteland. Een van die kenmerkendste veldsteenkerke, wat nie vir 'n dorpsgemeenskap opgerig is nie, is die kloosterkerk in Zinna. Soms word na massiewe veldsteenkerke valslik as weerkerke verwys, alhoewel hulle nie vir verdedigingsdoeleindes gebou is nie.

Verspreiding[wysig]

Veldsteenkerke is uitsluitlik in gebiede opgerig waar gletsers op hulle pad kristalliene materiaal, dit wil sê afgebrokkelde gesteentes agtergelaat het en waar natuurstene uit steengroewe nouliks voorkom. In Duitsland hoort Sleeswyk-Holstein, Mecklenburg-Voorpommere, Sakse-Anhalt en Brandenburg met Berlyn by hierdie streke. Veldstene is daarnaas in Skandinawië, Pole, Finland en die Baltiese lande as boumateriaal gebruik. Swerfstene bestaan gewoonlik uit graniet, gneis of kwartsiete en word sowel in bewerkte asook onbewerkte toestand (dikwels in twee helftes gesplits) gebruik.