Veldwedren (bergfiets)

in Wikipedia, die vrye ensiklopedie
Spring na: navigasie, soek
'n Bergfietsjaer trap deur 'n woud.

'n Veldwedren (Engels: Cross Country) is 'n sport waar bergfietse ingespan word om oor ruwe terrein bv. veld, grondpaaie, voetpaadjies ens. te jaag.

Veldwedrenne is die algemeenste dissipline van bergfietswedrenne, maar kry minder dekking as bergaf-fietsrenne (downhill cycling) omdat dit moeilik is om dit direk op TV uit te saai. Tog is veldwedrenne meer gewild en meer mense neem daaraan deel vir ontspanning of in 'n kompeterende hoedanigheid.

Veldwedrenne word sedert die 1996-spele as 'n Olimpiese sport beoefen en is die enigste vorm van bergfietsrenne wat tydens die Somerspele beoefen word.

UCI Veldwedren kategorieë[wysig]

UCI (Internasionale Fietsry Federasie)[1] verdeel bergfiets veldwedrenne in drie kategorieë:

  • Veldwedrenne (XC)
  • Bergaf (DH)
  • "Four Cross" (4X)

Daar word ook na die DH en 4X formate as 'Gravitasierenne' verwys omrede beide die formate bergaf geskied.

XC tipe veldwedrenne[wysig]

Burry Stander van Suid-Afrika.

Die XC tipe veldwedrenne het agt formate:

  • XCO = Olimpiese formaat
  • XCM = Marathon formaat
  • XCP = Punt na Punt formaat
  • XCC = Kortbaan formaat
  • XCE = Eliminasie formaat
  • XCR = Aflos formaat
  • XCS = Skof formaat
  • XCT = Tyd toets formaat

Die enigste verskil tussen die XCM en XCP formate is dat XCM by dieselfde punt begin en eindig terwyl XCP by twee verskillende punte begin en eindig.

UCI hou elke jaar 'n wêreld kampioenskap vir XCO, XCR en XCM formate. Burry Stander is Suid-Afrika se bekendste XCO ryer; hy was die onder-23 wêreld kampioen gedurende 2009. Vanaf 2012 sal daar ook 'n wêreld kampioenskap byeenkoms wees vir XCE.

Die jaarlikse Cape Epic is die wêreld se bekendste XCS veldwedren terwyl die Karoo-tot-Kus (Karoo-to-Coast) Suid-Afrika se bekendste punt-na-punt veldwedren is.

DH tipe veldwedrenne[wysig]

Die DH tipe veldwedrenne het twee formate:

  • DHI = Afdraande individuele formaat
  • DHM = Afdraande massa begin formaat

Greg Minnaar is by verre die bekendste Suid-Afrikaner in die (DHI) Bergaf veldwedren geledere deurdat hy die Wêreld kampioen was vir 2003, 2012, en 2013.

"Four Cross 4X"[wysig]

Four Cross het afdraande eliminasie wedrenne vervang. Hier begin 4 bergfietryers gelyktydig op 'n moeilike afdraande baan en die eerste persoon oor die wenstreep is die wenner. Dit is amper 'n tipe BMX wedren vir groot mense!

Greg Minnaar het in sy jonger dae al twee keer die podium gehaal tydens internasionale 4X wedrenne.

Hierdie formaat van veldrenne het nog nie werklik posgevat in Suid-Afrika nie.

Bergfiets in Suid-Afrika[wysig]

Die XCM formaat is ongelooflik gewild in Suid-Afrika terwyl die XCO formaat die gewildste is in Europa. Die rede vir die gewildheid van Marathon Bergfietsry in Suid-Afrika is omrede Suid Afrika die spasie en sonskynweer daarvoor het. Nasionale en Provinsiale kampioenskappe word jaarliks gehou vir beide die XCM en XCO formate.

Gedurende 2009 is die eerste Internasionale Veldwedren byeenkoms gehou te Pietermaritzburg in Suid-Afrika.

Bergfiets het ook baie gewild geword onder hoërskole met ligas wat jaarliks plaasvind. In Gauteng lok die hoërskool ligas al tot 350 inskrywings!

Nasionale Kampioene[wysig]

Jaar Nasionale Down Hill Kampioen van Vlag van Suid-Afrika Suid-Afrika
1998 Greg Minnaar*
1999 Patrick Morewood
2000 Jason Delport*
2001 Duane Stander
2002 Andrew Neethling*
2003 Gary Barnard
2004 Gary Barnard
2005 Jonty Neethling
2006 Johann Potgieter
2007 Johann Potgieter
2008 Wesley Augustyn
2009 Johann Potgieter
2010 Johann Potgieter
2011

"*" As Juniors.

Sien ook[wysig]

Verwysings[wysig]

  1. http://www.uci.ch