Olimpiese Somerspele 1996

Spele van die XXVIe Olimpiade

Gehou in	Atlanta, VSA
Deelnemende lande	197
Deelnemende atlete	10 320 (6 797 mans, 3 523 vroue)
Items	271 in 26 sporte
Openingseremonie	19 Julie 1996
Sluitingseremonie	4 Augustus 1996
Amptelik geopen deur	President Bill Clinton
Atlete-eed	Teresa Edwards (basketbal)
Beampte-eed	Hobie Billingsly (duik)
Olimpiese vlam	Muhammad Ali (boks)
Vorige Spele	1992: Barcelona (Spanje)
Volgende Spele	2000: Sydney (Australië)

Die Olimpiese Somerspele van die XXVIe Olimpiade word in 1996 in Atlanta, Georgia in die VSA gehou. Hierdie spele staan ook bekend as die "Centennial Games" vanweë die feit dat dit presies een eeu na die eerste moderne Spele in Griekeland plaasgevind het.

Atlanta word op 18 September 1990 deur die IOK gekies met 51 teen 35 stemme in die laaste ronde. Die beslissing van die Internasionale Olimpiese Komitee om die Spele aan Atlanta toe te wys was verrassend. Die redenasie was dat Athene nie genoeg tyd sou hê om die infrastruktuur vir die Spele in plek te kry nie. Later word beweer dat enkele IOK-lede omgekoop was, maar dit word nooit bewys nie. Tydens en na die Spele word egter vasgestel dat die organiserende komitee van Atlanta nie die volle waarheid oor die vervoernetwerk, die hitte en die vogtigheid in Augustus, en oor die hoë misdaadsyfer van die stad vertel het nie.

In die algemeen word die Spele as minder suksesvol gesien. Die vervoer tussen die verskillende Olimpiese items sit soms vir ure in toue vas. Die Spele was ook deur vele as "te kommersieel" bestempel. Die Spele word finansieel wel as 'n sukses gesien. Dit is onder meer te danke aan die hoofborgskap van Coca Cola, waarvan die hoofkantoor in Atlanta gesetel is.

Suid-Afrikaanse deelname [wysig]

Suid-Afrika wen drie goue medaljes, asook een silwer en een brons.

Penny Heyns wen twee goue medaljes in beide die 100 m en 200 m borsslag items.
Die atleet, Josia Thugwane wen 'n goue medalje in die mans maraton.
Hezekiél Sepeng wen silwer in die 800 meter naellope vir mans.
Marianne Kriel wen brons in die 100 meter rugslag vir vroue.

Aantal medaljes [wysig]

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State	-	44	32	25	101
2	Rusland	-	26	21	16	63
3	Duitsland	-	20	18	27	65
4	Volksrepubliek van Sjina	-	16	22	12	50
5	Frankryk	-	15	7	15	37
6	Italië	-	13	10	12	35
7	Australië	-	9	9	23	41
8	Kuba	-	9	8	8	25
9	Oekraïne	-	9	2	12	23
10	Suid-Korea	-	7	15	5	27
27	Suid-Afrika	-	3	1	1	5