1. FC Lokomotive Leipzig

in Wikipedia, die vrye ensiklopedie
(Aangestuur vanaf VfB Leipzig)
Spring na: navigasie, soek
1. FC Lokomotive Leipzig
Lok-logo.png
Volledige naam 1. Fußballclub Lokomotive Leipzig e.V.
Bynaam Loksche
Stigtingsdatum 13 Mei 1896
Tuisveld Bruno Plache-stadion,
Leipzig
Kapasiteit 12 500
Kompetisie Oberliga Noordoos-Suid

1. FC Lokomotive Leipzig is ‘n sokkerklub uit Leipzig in die deelstaat Sakse in Duitsland. Die klub het as VfB Leipzig die eerste nasionale kampioenskap van Duitsland in 1903 gewen.


Stigting[wysig]

Die klub is op 13 Mei 1896 gevorm uit die sokkerafdeling van Allgemeine Turnverein 1845 Leipzig. In 1898 is daar met Sport Club Sportbrüder Leipzig saamgesmelt (gestig in 1893), maar op 2 Mei 1900 het die twee klubs se weë weer geskei. In 1900 was VfB Leipzig een van die 68 klubs wat in Leipzig die DFB (Duitse Sokkerbond) gestig het.


Historiese kenteken van VfB Leipzig, Duitsland se eerste nasionale kampioen

Vroeë suksesse[wysig]

In 1903 het die klub die eerste Duitse titel gewen deur die gunstelinge DFC Praag, ‘n klub uit Praag in die destydse staat Oostenryk-Hongarye (vandag is Praag die hoofstad van die Tsjeggiese Republiek), wat uit etniese Duitsers bestaan het, met 7-2 in die eindstryd te klop, nadat die halftydtelling nog 1-1 was. Die DFB het destyds sulke “Duitse” spanne in ander state genooi om by hom aan te sluit om sy ledegetalle te verhoog. In 1904 het die klub weer die eindstryd gehaal, maar na ‘n dispuut in die een halfeindstryd tussen Karlsruher FV en Britannia Berlyn nooit opgelos is nie, is die eindstryd enkele ure voor dit sou plaasvind deur die DFB afgelas. Die volgende seisoen het die klub weer die uitspeelrondtes gehaal, maar het voor die eerste rondte onttrek omdat die reiskoste nie op daardie stadium deur die klub bekostig kon word nie. Die klub het wel weer in 1906 en 1913 die titel gewen en in 1911 en 1914 die eindstryd gehaal.

In 1933 is die Duitse sokkerstruktuur deur die Nazi’s geherstruktureer en Leipzig is in die Gauliga Sakse ingedeel. Die klub kon egter nooit die liga wen en die uitspeelwedstryde haal nie. In 1937 het die klub wel ‘n groot prestasie behaal deur die Tschammerpokal te wen deur FC Schalke 04, die dominante klub van daardie era, in die eindstryd te verslaan.

Na die Tweede Wêreldoorlog[wysig]

Na die Tweede Wêreldoorlog is die klub deur die Geallieerdes ontbind, maar in Desember 1945 herstig as Sportgemeinschaft Probstheida. Die naam is hierna verander na BSG Erich Zeigner Probstheida en later na BSG Einheit Ost, voordat die klub in 1954 met SC Rotation Leipzig saamgesmelt het en onder daardie naam in die DDR-Oberliga, Oos-Duitsland se eersteliga, meegeding het. In 1963 het die sokkerowerhede Leipzigse sokker geherstruktureer en die twee belangrikste klubs in Leipzig, SC Rotation en SC Lokomotive Leipzig herstig as twee nuwe klubs, SC Leipzig en BSG Chemie Leipzig. In 1965 is SC Leipzig se sokkerafdeling onafhanklik gemaak as 1.FC Lokomotive Leipzig.

Lok kon nooit die Oos-Duitse titel wen nie, maar het wel die FDGB-Pokal (DDR-Beker) in 1976, 1981, 1986 en 1987 gewen. Die klub het ook die UEFA Intertotobeker in 1966 gewen en in 1987 die eindstryd om die UEFA Bekerwennersbeker gehaal waar daar met 0-1 teen Ajax Amsterdam verloor is.

Duitse hereniging[wysig]

Na die Duitse hereniging in 1990 is die span in die 2. Bundesliga ingedeel en in 1991 het die klub weer sy voor-oorlogse naam VfB Leipzig teruggeneem. In 1993 het die klub 3de geëindig en het daarmee gepromoveer na die Bundesliga. Die klub is egter na een seisoen gerelegeer en daarna het die klub finansieel en op die veld gesukkel totdat die klub in 2004 bankrot verklaar is.

Die klub is dadelik herstig as 1. FC Lokomotive Leipzig, maar moes as ‘n nuwe klub op die 11de vlak in die 3. Kreisklasse begin meeding. Lok het egter sy ondersteunersbasis behou en op 9 Oktober 2004 ‘n wêreldrekord opgestel deur in ‘n 11de vlak-wedstryd teen Eintracht Großdeuben se tweede span 12 421 toeskouers na die Zentralstadion in Leipzig te trek. Die klub het in 2004 met SSV Torgau saamgesmelt en sy plek in die sewende liga ingeneem. Tans (2007/08-seisoen) ding die klub in die Landesliga Sakse op die vyfde vlak mee.

Erelys[wysig]

Onlangse ligaposisionering[wysig]

  • 1965-66 (I) DDR-Oberliga 3de
  • 1966-67 (I) DDR-Oberliga 2de
  • 1967-68 (I) DDR-Oberliga 5de
  • 1968-69 (I) DDR-Oberliga 14de
  • 1969-70 (II) DDR-Liga, St. Suid 1ste
  • 1970-71 (I) DDR-Oberliga 10de
  • 1971-72 (I) DDR-Oberliga 8ste
  • 1972-73 (I) DDR-Oberliga 4de
  • 1973-74 (I) DDR-Oberliga 5de
  • 1974-75 (I) DDR-Oberliga 8ste
  • 1975-76 (I) DDR-Oberliga 4de
  • 1976-77 (I) DDR-Oberliga 5de
  • 1977-78 (I) DDR-Oberliga 4de
  • 1978-79 (I) DDR-Oberliga 5de
  • 1979-80 (I) DDR-Oberliga 6de
  • 1980-81 (I) DDR-Oberliga 6de
  • 1981-82 (I) DDR-Oberliga 3de
  • 1982-83 (I) DDR-Oberliga 4de
  • 1983-84 (I) DDR-Oberliga 3de
  • 1984-85 (I) DDR-Oberliga 3de
  • 1985-86 (I) DDR-Oberliga 2de
  • 1986-87 (I) DDR-Oberliga 3de
  • 1987-88 (I) DDR-Oberliga 2de
  • 1988-89 (I) DDR-Oberliga 5de
  • 1989-90 (I) DDR-Oberliga 8ste
  • 1990-91 (I) NOFV Oberliga Noordoos 7de
  • 1991-92 (II) 2.Bundesliga 7de
  • 1992-93 (II) 2.Bundesliga 3de
  • 1993-94 (I) Bundesliga 18de
  • 1994-95 (II) 2.Bundesliga 13de
  • 1995-96 (II) 2.Bundesliga 9de
  • 1996-97 (II) 2.Bundesliga 8ste
  • 1997-98 (II) 2.Bundesliga 15de
  • 1998-99 (III) Regionalliga Noordoos 2de
  • 1999-00 (III) Regionalliga Noordoos 9de
  • 2000-01 (IV) Oberliga Noordoos/Suid 2de
  • 2001-02 (IV) Oberliga Noordoos/Suid 4de
  • 2002-03 (IV) Oberliga Noordoos/Suid 4de
  • 2003-04 (IV) Oberliga Noordoos/Suid 17de bankrotskap
  • 2004-05 (XI) 3.Kreisklasse, Stapel-2 1ste
  • 2005-06 (VII) Bezirksklasse, Stapel-2 1ste
  • 2006-07 (VI) Bezirksliga Leipzig 1ste
  • 2007-08 (V) Landesliga Sakse 2de
  • 2008-09 (V) Oberliga Noordoos-Suid

Eksterne skakels[wysig]


Oberliga Noordoos-Suid 2008/09-seisoen

VfB Auerbach | FSV Budissa Bautzen | FC Erzgebirge Aue II | SC Boreas Dresden | FC Eilenburg |
1. FC Gera 03 | VfB Germania Halberstadt | FC Rooiwit Erfurt II | FC Carl Zeiss Jena II |
1. FC Lokomotive Leipzig | SSV Markranstädt | ZFC Meuselwitz | 1. FC Maagdenburg II | VfB Pößneck |
FC Groenwit Wolfen | FSV Zwickau