DFB-Pokal

in Wikipedia, die vrye ensiklopedie
Spring na: navigasie, soek

Die DFB-Pokal is ‘n jaarlikse uitklopkompetisie vir Duitse sokkerklubs wat deur die Duitse sokkerbond (Deutschen Fußball-Bund, DFB) georganiseer word.

Die DFB-Pokaltrofee


Geskiedenis[wysig]

In Desember 1935 is die eerste Duitse uitklopbeker-eindstryd voor 60 000 toeskouers gespeel in die Rheinstadion in Düsseldorf. Die kompetisie was toe bekend as die Tschammerpokal, vernoem na die nasionale sportkommissaris Hans von Tschammer und Osten. Na die Tweede Wêreldoorlog het die DFB eers weer in 1952 ‘n toernooi om die beker ingestel. In Oos-Duitsland is ‘n bekertoernooi in 1949 begin, die FDGB-Pokal. Die eerste eindstryd was in Halle (Saale) tussen BSG Waggonbau Dessau en BSG Gera-Süd (1-0).

Sedert 1981 is daar ook ‘n DFB-Pokal vir vrouespanne.

Modus[wysig]

Die hoofronde word beslis tussen 64 spanne:

  • Die 36 spanne wat die vorige seisoen in die Bundesliga en 2. Bundesliga meegeding het.
  • Die 4 spanne wat die vorige seisoen eerste en tweede geëindig het in die Regionalliga Noord en Regionalliga Suid.
  • Die 21 wenners van die verskillende sokkerdistrikte se uitklopkompetisies (Verbandspokal) van die vorige seisoen.
  • Een addisionele span uit elk van die drie sokkerdistrikte wat die hoogste aantal geregistreerde mansspanne het (gewoonlik die klub wat tweede geëindig het in die Verbandspokals van die sokkerdistrikte Beiere, Wesfale en Neder-Sakse).

(Die wenners van elke streeks-uitklopkompetisie (kreispokal) in die land kry 'n geleentheid in die betrokke distrik se verbandspokal, so elke klub in Duitsland, selfs op die laagste vlakke, neem indirek deel aan die nasionale uitklopkompetisie en kan dit teoreties wen).

Die toernooi word gespeel op ‘n uitklopstelsel met slegs een wedstryd per ronde. In die eerste twee rondes speel die klubs uit die Bundesliga en 2. Bundesliga nie teen mekaar nie. Reg deur die toernooi sal ‘n klub wat teen ‘n span uit die Bundesliga of 2. Bundesliga geloot word, altyd die tuisveldvoordeel kry, behalwe in die eindstryd, wat sedert 1985 in die Olimpiese stadion in Berlyn gespeel word.

Tschammer-bekerkampioen[wysig]

DFB-Pokalkampioen (mans)[wysig]

Aantal kere kampioen:

FC Bayern München 15
SV Werder Bremen 6
1. FC Keulen 4
Eintracht Frankfurt 4
VfL Borussia Mönchengladbach 3
Hamburger SV 3
VfB Stuttgart 3
FC Schalke 04 3
BV Borussia Dortmund 2
Fortuna Düsseldorf 2
1. FC Kaiserslautern 2
Karlsruher SC 2
1. FC Neurenberg 2
SC Rooiwit Essen 1
Swartwit Essen 1
Hannover 96 1
FC Bayer 05 Uerdingen 1
Bayer Leverkusen 1
Kickers Offenbach 1
TSV 1860 München 1

Eksterne skakel[wysig]