Willem die Madoc maecte
Willem die Madoc maecte (c.1200 - c.1250; "-Willem-wat-die-Madoc-gemaak/geskryf-het") is die tradisionele benaming van die skrywer van Van den vos Reynaerde, 'n Middelnederlandse weergawe van die storie van Reinard die Vos.
Naam van die outeur[wysig | wysig bron]
Die naam van die skrywer is afgelei van die eerste reël van die gedig, waar hy homself voorstel as dieselfde Willem wat voorheen 'n werk genaamd Madoc geskryf het:
.jpg)
Willem, die Madoc maecte,
Daer hi dicken omme waecte,
Hem vernoyde so haerde
Dat die avonture van Reynaerde
In dietsche onghemaket bleven.
Identifisering met ander bekende Middeleeuse mense[wysig | wysig bron]
Daar word voorgestel dat Willem identies is met Willem van Brugge van die katedraal van Kortrijk. Uit verwysings na plekke in die gedig wil dit voorkom asof hy 'n groot deel van sy lewe in Oos-Vlaandere deurgebring het, waaronder Gent, 'n dorp wat hy twee keer in sy werk noem.[1]
Werke[wysig | wysig bron]
Die enigste oorblywende Middeleeuse teks wat aan Willem toegeskryf kan word is Van den vos Reynaerde.
Madoc[wysig | wysig bron]
Madoc was moontlik 'n vroeë weergawe van die verhaal van die legendariese Walliese ontdekkingsreisiger Prins Madoc. Geen kopieë van Willem se Madoc het oorleef nie, maar daar is verwysings daarna wat daarop dui dat die gedig wyd in manuskripvorm versprei is.[2]
Van den vos Reynaerde[wysig | wysig bron]
Van den vos Reynaerde is 'n Middelnederlandse gedig uit ongeveer 1250. Dit word beskou as 'n belangrike werk uit die Middelnederlandse letterkunde en is al "die hoogtepunt van die Gotiese literatuur in Nederland" genoem.[3] Dit het die standaardweergawe van die Reinard-legende geword en die meeste weergawes in Nederlands, Duits en Engels is daarop gegrond, insluitend dié van William Caxton, Goethe en FS Ellis.
