William Fehr

in Wikipedia, die vrye ensiklopedie
Spring na: navigasie, soek
William Fehr
’n Beeld van die betrokke persoonlikheid.
Gebore 17 April 1892
Burgersdorp, Kaapkolonie
Oorlede 2 April 1968 (op 75)
Kaapstad, Suid-Afrika
Nasionaliteit Vlag van Suid-Afrika Suid-Afrika
Beroep sakeman en versamelaar van kuns en antiek

William Fehr (Burgersdorp, 17 April 1892Kaapstad, 2 April 1968) was 'n Suid-Afrikaanse sakeman en versamelaar van kuns en antiek.

Na die voltooiing van sy skoolloopbaan aan die Albert Akademie op Burgersdorp gaan Fehr vir verdere studie na Europa en keer aan die einde van die Eerste Wêreldoorlog in Suid-Afrika terug. Daarna sluit hy by die familiebedryf in Kaapstad aan en word mettertyd die hoof van die maatskappy wat handel dryf in suiker, tabak en sigarette.

Fehr stel baie belang in die geskiedenis van sy eie familie. Alhoewel sy vader 'n immigrant uit Duitsland was, was sy moeder 'n dogter van die bekende Suid-Afrikaanse Maskew-familie wat weer op hul beurt verbonde was aan die Theron-, Berning- en Lepan-families.

Hy het 'n passie gehad om items van historiese belang vir Suid-Afrika te versamel. Dus koop hy in die buiteland Afrikana aan en voer dit in. Sy versameling staan nou bekend as die William Fehr-versameling en word in die Kasteel en in Rust en Vreugd in Kaapstad gehuisves.

Fehr het verskeie artikels oor Afrikana geskryf. Die boeke The Old Town House (1955), Caldwell's animals (1961) en Treasures of the Castle of Good Hope (1963) het uit sy pen verskyn. In 1968 vertaal hy uit Duits die boek uit 1807 deur Ludwig Alberti met die Engelse titel Account of the Tribal Life and Customs of the Xhosa.

Fehr was lid van verskeie bewaringsliggame vir sowel kultuur- as natuursake. In 1963 vereer die Universiteit van Kaapstad hom met 'n eredoktorsgraad in die regte. Die Raad vir Nasionale Gedenkwaardighede het in 1968 'n goue medalje aan hom toegeken.

Die William Fehr versameling[wysig]

Bibliografie[wysig]

Commons-logo.svg
Wikimedia Commons het meer media verwant aan: