Île des Pingouins

in Wikipedia, die vrye ensiklopedie
Spring na: navigasie, soek
Île des Pingouins
Inheemse naam: Île des Pingouins
Kaart van die "Île des Pingouins"
Kaart van die "Île des Pingouins"
Geografie
Ligging Suidelike Oseaan
Koördinate 46°27′S 50°23′O / 46.450°S 50.383°O / -46.450; 50.383Koördinate: 46°27′S 50°23′O / 46.450°S 50.383°O / -46.450; 50.383
Argipel Crozeteilande
Oppervlakte 3 vk km
Hoogste punt Mont des Manchots 340 m
Administrasie
Vlag van Frankryk Frankryk
Oorsese gebied Flag of the French Southern and Antarctic Lands.svg Crozeteilande

Île des Pingouins (Pikkewyneiland) is aan die westelike rand van die Crozeteilandgroep geleë naby Île aux Cochons. Die eiland behoort soos Île aux Cochons 30 km noord daarvan aan die Westelike groep (L'Occidental) van die Crozetargipel, 100 km wes van Île de la Possession. Dit is 'n klein eiland, 4 km by 1 km. Die kushange wat die eiland omring wissel in hoogte van 50 m tot 300 m. Die hoogste punt is die 360 meter hoë Mont des Manchots. Die eiland is so te sê heeltemal ontoeganklik vanaf die see en word daarom baie selde deur mense besoek. Dit is vry van uitheemse spesies wat beteken dat beide die plant- en dierelewe ongeskonde is. Ten minste 29 voëlspesies broei op die eilande. Dit het 'n uitsonderlike hoë digtheid seevoëls insluitend ses malmok spesies.

Marion-Dufresne het die eiland in 1772 die naam Ile Inaccessible (Ontoeganklike eiland) gegee. Engelse en Amerikaanse Robjagters het die eiland in die 19de eeu Penguin Island gedoop as gevolg van die teenwoordigheid van verskeie pikkewynkolonies. Die huidige naam is 'n misvertaling van die Engelse naam na Frans aangesien pingouin na alke verwys wat slegs in die Noordelike halfrond voorkom. Die Franse woord vir pikkewyn is Manchot.

Eksterne skakels[wysig | wysig bron]

 
Crozeteilande
Vlag van TAAF

Îlots des Apôtres   |    Île aux Cochons   |    Île de l'Est   |    Île des Pingouins   |    Île de la Possession