Gerrie Pretorius

Gerrie Pretorius
Gebore	19 Oktober 1977 (1977-10-19) Mosselbaai, Suid-Afrika
Genres	Afrikaanse popmusiek
Beroep(e)	Sanger
Instrumente	Stem
Jare aktief	2001-nou
Webwerf	gerriepretorius.co.za

Gerrie Pretorius is 'n Afrikaanse sanger, reisbestuurder en aanbieder van die reisprogram Leef Jou Reis op KykNET. Hy begin sy sangloopbaan in 2001 met die vrystelling van Annemarie my Skat, wat ook sy eerste platinumalbum was. Hy het daarna verskeie ander albums uitgereik, waarvan verskeie platinumstatus bereik het. Van sy treffers sluit in Annemarie my Skat, Adio Amore en 7 Sondes.

Pretorius reik in 2007 'n album genaamd Ek sing vir jou Bles ter nagedagtenis van Bles Bridges uit. In Maart 2008 het hy saam met Dana Winner, as deel van haar Suid-Afrika Platinum Worldtour, deur Suid-Afrika gereis.

Pretorius het al verskeie kere in Nederland opgetree en ook 'n CD in die lae lande uitgegee, waarin hy 'n duet saam met Anny Schilder, 'n voormalige sangeres van BZN, sing.

Diskografie

• Gister en Vandag, 2011
• Musiek En Woorde / My Storie DVD, VONK MUSIEK
• Alles Pas, MAROELA, 2009 (Goud)
• Vriende Vir Altyd / Swing / Ek Sing Vir Jou Bles 3CD, 2009 MAROELA
• My Storie DVD, 2009
• Vriende Vir Altyd, MAROELA, 2008 (Goud)
• Ek Sing Vir Jou Bles – Die DVD, MARANATHA, 2007 (Platinum)
• Ek Sing Vir Jou Bles, MAROELA, 2007 (Platinum)
• Gerrie Pretorius "LIVE" CD, 2007 MAROELA
• Swing, MAROELA, 2006 (Platinum)
• Gerrie Pretorius in Konsert DVD, MAROELA, 2005 (Platinum)
• Adio Amoré, MAROELA, 2005 (Platinum)
• Annemarie CD, Hei Jy CD, Bonus CD (3 CD-stel), MAROELA
• Loslappie CDs
• Hei Jy, MAROELA, 2003 (Platinum)
• Annemarie, MAROELA, 2001 (Platinum)
• Met Liefde, SONY/BMG

Filmografie

• Ek lief jou, 2011

Sien ook

• Lys van Suid-Afrikaanse musikante