Allan Hills A81005
| Allan Hills A81005 (ALH A81005) | ||
| ||
| Voorwerp | ||
| Tipe | Achondriet | |
| Groep | Maananortosiet[1] | |
| Datum | 17 Januarie 1982 (ontdek)[2] | |
| Waargenome val | Nee | |
| TBG | 31,4 g | |
| Gebied | ||
| Land | Antarktika | |
| Streek | Allan Hills | |
| Oorsprong | Maan | |
Allan Hills A81005, of ALH A81005, (soms sonder die "A" voor die nommer) was die eerste meteoriet van die Maan af wat op aarde ontdek is.[3] Dit is in 1982 in die Allan Hills aan die einde van die Transantarktiese Berge gevind tydens 'n meteorietversamelingsekspedisie (ANSMET).[1]
Ontdekking en beskrywing[wysig | wysig bron]
ALH A81005 is op 17 Januarie 1982 deur John Schutt en Ian Whillans ontdek.[2][4] Dit is genoem na die Allan Hills, 'n bergketting in Antarktika waar baie meteoriete tydens ekspedisies gevind word.[1]
ALH A81005 is 3 by 2,5 by 3 cm groot. Dit het 'n donker brandkors aan die buitekant. Die binnekant bestaan uit 'n swart tot grys grondmassamatriks met grys en wit kristalle in. Die grootte van die grootste kristalle wissel in deursnee van submillimeters tot 8 mm.[1]
Geskiedenis[wysig | wysig bron]
Robert Clayton en Toshiko Mayeda, navorsers aan die Universiteit van Chicago,[5] het bepaal die Maan is die oorsprong van die meteoriet nadat die wetenskaplike Brian Harold Mason van die Smithsonian-instituut vasgestel het die chemiese en isotopiese samestelling is soortgelyk aan dié van klippe wat in die Apollo-program van hooglandgebiede op die Maan teruggebring is.[6] Getuienis daarvoor behels onder meer data oor die mineralogie, samestelling, suurstofisotoop, edelgasse, kosmiese strale, blootstellingsgeskiedenis, magnetiese eienskappe en kerndeeltjiespore.[7]
Verwysings[wysig | wysig bron]
- ↑ 1,0 1,1 1,2 1,3 "Allan Hills A81005". Meteoritical Society. Besoek op 11 Januarie 2013.
- ↑ 2,0 2,1 Kevin Righter; John Gruener. "Lunar Meteorite Compendium ALH A81005" (PDF). Nasa. Besoek op 11 Januarie 2013.
- ↑ Marvin, Ursula B. (1 Januarie 1983). "The discovery and initial characterization of Allan Hills 81005: The first lunar meteorite". Geophysical Research Letters. 10 (9): 775. Bibcode:1983GeoRL..10..775M. doi:10.1029/GL010i009p00775.
- ↑ Kevin Righter; John Gruener. "The Lunar Meteorite Compendium". NASA. Besoek op 11 Januarie 2013.
- ↑ "Meteorite came from moon". The Leader-Post. Regina, Saskatchewan. 16 Maart 1983. p. A5. Besoek op 27 Februarie 2013.
- ↑ "Scientists say meteorite is likely piece of the moon". Spokane Chronicle. Spokane, Washington. 16 Maart 1983. p. A9. Besoek op 27 Februarie 2013.
- ↑ Cassidy, William (2003). Meteorites, Ice, and Antarctica: A personal account. Cambridge: Cambridge University Press. pp. 144-185, 320. ISBN 9780521258722.
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
Koördinate: 76°49′49″S 158°15′32″O / 76.83028°S 158.25889°O