Apollo-program

in Wikipedia, die vrye ensiklopedie
Spring na: navigasie, soek
Die Apollo-program se wapen
Apollo CSM in 'n wentelbaan
Posisie van Apollo-missies op die maan

Die Apollo-program was 'n reeks missies wat tussen 1961 en 1975 deur die Amerikaanse Ruimte-administrasie (NASA) met die gebruik van die Apollo-ruimtetuig en die Saturn V-vuurpyl onderneem is. Die bevelmodule en tweede fase van die Saturn V is deur North American Aviation ontwikkel en het die landing van 'n mens op die Maan, en ook sy veilige terugkeer na die Aarde, ten doel gehad. Hierdie doel is uiteindelik met die Apollo 11 missie op 20 Julie 1969 bereik. Die woorde van een van die ruimtevaarders toe Apollo 13 nie later dié sukses kon herhaal nie, "Houston, we have a problem", word vandag soms op humoristiese wyse gebruik wanneer iets skeefloop.[1]

Missies[wysig | wysig bron]

  • A – Onbemande Saturn V en Apollo bevel- en diensmodule (CSM) ontwikkeling (Apollo 4, Apollo 6)
  • B – Onbemande maanmodule (LM) ontwikkeling (Apollo 5)
  • C – Eerste bemande Apollo-evaluasie in 'n lae aardwentelbaan (Apollo 7)
  • D – Bemande CSM en LM ontwikkeling in 'n lae aardwentelbaan (aanvanklik beplan vir Apollo 8; gevlieg as Apollo 9)
  • E – Bemande CSM en LM oefenoperasies vir maanreis in 'n medium aardwentelbaan op 'n apside van (7 400 km), maar nie onderneem nie
  • F – Bemande CSM en LM operasies in maanwentelbaan, die "kleedrepetisie" vir 'n maanlanding (Apollo 10)
  • G – Eerste bemande Apollo-vlug wat 'n maanlanding uitvoer (Apollo 11)

Die eerste bemande maanmodule (LM-3) was nie gereed in Desember 1968 vir die lanseerdatum van Apollo 8 nie. Dit is as 'n maanwentelbaanmissie gevlieg met slegs die CSM, waarna die E-missie toe gekanselleer is.

Datums hier gelys is die datums van die lansering.

Onbemande Saturn I[wysig | wysig bron]

Onbemande Little Joe II[wysig | wysig bron]

Onbemande Apollo-Saturn IB en Saturn V[wysig | wysig bron]

Bemande Missies[wysig | wysig bron]

Missie Lanserings Voertuig LV Reeksnommer Bevelvoerder Sr Vlieënier/ Bevelmodule Vlieënier Vlieënier/ Maanmodule Vlieënier Bevelmodule Naam Maanmodule Naam Lanseerdatum Lanseertyd Tydsduur
Apollo 1 (AS-204)
Apollo 1 patch.png
Saturn IB AS-204 Grissom White Chaffee n.v.t. Geen MM Beplande Datum: 21 Februarie 1967 n.v.t. n.v.t.
Die missie het nooit begin nie. Op 27 Januarie 1967, het 'n brand in die Apollo bevelmodule tydens 'n toets op die lanseerplatform uitgebreek wat die module verwoes het. Al die bemanning naamlik Grissom, White, en Chaffee het gesterf. Die Saturn 1B Lanseringsvoertuig (LV), reeksnommer AS-204 was nie beskadig nie en is later gebruik vir die Apollo 5 missie.
Apollo 7
AP7lucky7.png
Saturn IB AS-205 Schirra Eisele Cunningham n.v.t. Geen MM 11 Oktober 1968 15:02 GMT 10d 20h
09m 03s
Dit was die eerste sending in die Apollo program om bemanning na die ruimte te neem. Die missie was om die nuwe "Block II Apollo Command/Service Module"(CSM) module te toets. Dit sluit in die eerste regstreekse TV-uitsending van 'n Amerikaanse ruimtetuig.
Apollo 8
Apollo-8-patch.png
Saturn V AS-503 Borman Lovell Anders n.v.t. Geen MM 21 Desember 1968 12:51 GMT 06d 03h
00m 42s
Apollo 8 was die eerste bemande vlug wat in 'n wentelbaan om die maan gelanseer is en ook die eerste bemande Saturn V vuurpyl. Regstreekse televisiebeeld is uitgesaai na die Aarde van die donkerkant van die maan.
Apollo 9
Apollo-9-patch.png
Saturn V AS-504 McDivitt Scott Schweickart Gumdrop Spider 3 March 1969 16:00 GMT 10d 01h
00m 54s
Apollo 9 het vir 10 dae in 'n lae-aardewentelbaan die maanmodule getoets. Dit het die vermoë van die module om met die bevelmodule te rendezvous en te koppel gedemonstreer. 'n Ruimtewandeling het die draagbare lewensondersteuningstelsel getoets.
Apollo 10
Apollo-10-LOGO.png
Saturn V AS-505 Stafford Young Cernan Charlie Brown Snoopy 18 Mei 1969 16:49 GMT 08d 00h
03m 23s
Apollo 10 word dikwels na verwys as 'n kleedrepetisie vir die maanlanding, die maanmodule is tot 8.4 seemyl bo die oppervlak van die maan laat wentel (15.6 km) sonder om te land. Daar is opsetlik nie brandstof in die maanmodule gelaai nie.
Apollo 11
Apollo 11 insignia.png
Saturn V AS-506 Armstrong Collins Aldrin Columbia Eagle 16 Julie 1969 13:32 GMT 08d 03h
18m 35s
Op 20 Julie, 1969, het Apollo 11 se maanmodule die eerste maanlanding uitgevoer in die "Bedaarde See" (Mare Tranquillitatis). Armstrong en Aldrin het elk een ruimtewandeling naby die maanmodule uitgevoer terwyl Collins in die bevelmodule om die maan bly wentel het. Weens komplikasies het die maanmodule nie presies op die beplande plek geland nie.
Apollo 12
AP12goodship.png
Saturn V AS-507 Conrad Gordon Bean Yankee Clipper Intrepid 14 November 1969 16:22 GMT 10d 04h
36m 24s
Apollo 12 het die eerste akkurate bemande maanlanding uitgevoer in die Stormsee (Oceanus Procellarum) en het naby Surveyor 3 geland. In twee ruimtewandelings het hul dele van die Surveyor tuig geneem en terug gebring aarde toe.
Apollo 13
Apollo 13-insignia.png
Saturn V AS-508 Lovell Swigert Haise Odyssey Aquarius 11 April 1970 19:13 GMT 05d 22h
54m 41s
Die sending was veronderstel om te land by die Fra Mauro formasie, Apollo 13 se missie is gekanselleer na 'n suurstoftenk ontplof het op pad na die maan, die landing is totaal gekanselleer. Na een omwenteling om die maan het die bemanning die maanmodule as 'n reddingsboot gebruik om terug na die aarde te keer omdat die bevelmodule beskadig was.
Apollo 14
Apollo 14-insignia.png
Saturn V AS-509 Shepard Roosa Mitchell Kitty Hawk Antares 31 Januarie 1971 21:03 GMT 09d 00h
01m 58s
Apollo 14 het suksesvol geland by die Fra Mauro formasie (Waar Apollo 13 veronderstel was om te land). Die eerste kleurvideobeeld van die maan is op die sending geneem, die eerste materiaalkunde eksperimente is op die maan uitgevoer en twee ruimtewandelings is onderneem.
Apollo 15
Apollo 15-insignia.png
Saturn V AS-510 Scott Worden Irwin Endeavour Falcon 26 Julie 1971 13:34 GMT 12d 07h
11m 53s
Apollo 15 het geland by die Hadley–Apennine streek en het vir 3 dae op die maan gebly om omvattende geologiese ondersoeke uit te voer. Dit was ook die eerste keer wat die maankarretjie gebruik is.
Apollo 16
Apollo-16-LOGO.png
Saturn V AS-511 Young Mattingly Duke Casper Orion 16 April 1972 17:54 GMT 11d 01h
51m 05s
Apollo 16 se maanmodule het in die Descartes Hoogland geland. Daar is drie maan- en een diepruimte ruimtewandelings uitgevoer.
Apollo 17
Apollo 17-insignia.png
Saturn V AS-512 Cernan Evans Schmitt America Challenger 7 Desember 1972 05:33 GMT 12d 13h
51m 59s
Die finale Apollo maansending land in die Taurus–Littrowvallei. Schmitt, 'n geoloog, was die eerste professionele wetenskaplike om op 'n NASA-sending te gaan. Apollo 17 was: die eerste nag lansering en die laaste bemande ruimtevlug buite 'n lae-aardewentelbaan.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8