APS-C

in Wikipedia, die vrye ensiklopedie
Jump to navigation Jump to search
Sony se spieëllose verwisselende lenskamera Alpha ILCE 6000 met 'n APS-C-beeldsensor is in 2014 bekendgestel

Die Advanced Photo System tipe-C (APS-C) is 'n beeldsensorformaat wat ten opsigte van sy grootte min of meer ooreenstem met die "klassieke" negatiewe afbeeldings van die Advanced Photo System (APS) - met 'n formaat van 25,1 mm x 16,7 mm en 'n beeldverhouding van 3:2.

Die Canon EOS 60D, 'n tipiese APS-C-formaatkamera

Sensors van dié afmetings word in baie digitale enkellensreflekskameras (DSLR-kameras), spieëllose verwisselende lenskameras (DSLMs) en enkele digitale grootformaatsensor-kameras met voorskoufunksie gebruik, waaronder die Sony DSC-R1, Sigma DP1 en Leica X1. Sensors in die APS-C-formaat word hiernaas ook in enkele digitale soekers aangetref (soos byvoorbeeld die Epson R-D1).