Enkellensreflekskamera

in Wikipedia, die vrye ensiklopedie
Die historiese Zeiss Ikon VEB Contax S
'n Moderne digitale enkellensreflekskamera
(Konica Minolta Dynax 5D)
Die beweegbare dele van 'n reflekskamera

'n Enkellensreflekskamera (Engels: single lens reflex camera, SLR) is 'n soort kamera wat 'n spieël gebruik wat tussen die lens en filmsluiter geplaas is om die beeld (prentjie) deur die lens in die oogstuk waar te neem. In moderne weergawes word die beeld via 'n pentaprisma of pentaspieël binne-in die kamera weerkaats.

Hierdie kameras het die algemene kamera geword wat deur toegewyde amateurfotograwe, en vir die meeste toepassings, deur professionele persone gebruik word.

Digitale SLR's is baseer op enkellensreflekskameras en word net soos hul analoogeweknieë deur 'n spieël- en refleksstelsel gekenmerk. Analoë SLR's was oorspronklik gemik op professionele en semi-professionele fotograwe, tog het hulle danksy die invoering van digitale SLR's geleidelik ook bekostigbaar geword vir diegene wat fotografie slegs as 'n stokperdjie beoefen. Digitale SLR's beskik oor meer gesofistikeerde optiese stelsels met groot zoem en 'n groter beeldsensor as kompakte digitale kameras, is ook geskik vir swak ligtoestande, en lewer beter fotokwaliteit. Gewoonlik is daar 'n groot verskeidenheid omruilbare lense vir SLRs beskikbaar.

Nuttigheid[wysig | wysig bron]

Die grootste voordeel van reflekskameras is hul vermoë, deur slegs deur die lens te kyk, om te bepaal watter dele van 'n beeld in fokus is. Die meeste moderne SLR's bied bykomende fokushulpmiddels, insluitend bestektoestelle (range finder) en outomatiese fokusmetodes. SLR kameras bied die fotograaf die vermoë om die lens vinnig en maklik te verander, wat hul nog veelsydiger maak. Dieselfde kamera kan gebruik word vir 'n portret, landskap, aksie of nabyfotografie. Terwyl sommige vroeëre kameras wel hierdie vermoë gebied het, laat die SLR die fotograaf toe om dadelik te sien wat die verskillende lense sal vaslê.

Die dele van 'n reflekskamera:
1) Fotografiese voorglaslens 2) Interne glaslense 3) Diafragma
4) Fokusvlaksluiter 5) Filmrol 6) Nekbandhegting
7) Sluiterknoppie 8) Sluiterspoedkieser 9) Raampieteller
10) Sigraampie 11) Flitsprop 12) Fokusring
13) Pentaprisma/pentaspieël 14) Refleksspieël


Fotografie

BeeldsensorBeligtingDaguerreotipeDigitale kameraDonkerkamerEF-lenspassingEnkellensreflekskameraF-nommerFilmFilmspoedFokusFokusafstandIntreepupilKameraLensopeningLensopeningprioriteitPentaprismaProfessionele videokameraReël van derdesRGB-kleurmodelSluiterprioriteitSluiterspoedTelefotolensVeelvoudige beligtingVelddiepteWyehoeklens

GeomerkingGroeperingHolografieNatuurfotografieSelfieSnelreeksfotografieWildfotografie

35 mm ekwivalente fokuslengteCMYK-kleurmodelKleurtemperatuurRooi-oogeffekSwart-en-witZoemlens

Wysig hierdie sjabloon


Hierdie artikel is in sy geheel of gedeeltelik vanuit die Engelse Wikipedia vertaal.