Advanced Photo System

in Wikipedia, die vrye ensiklopedie
Jump to navigation Jump to search
'n Klein APS-kamera met film

Die Advanced Photo System (APS) was 'n poging wat deur kamera- en filmvervaardigers in die tweede helfte van die 1990's onderneem is om die bestaande analoë fototegniek omvattend te moderniseer - kort voordat digitale fotografie die mark verower het. Die afkorting APS, wat daarna verwys, word deesdae steeds vir bepaalde groottes van digitale kamerasensors gebruik (sien APS-C).

APS is amptelik op 22 April 1996 deur die kamera- en filmvervaardigers Canon, Fujifilm, Kodak, Minolta en Nikon bekend gestel. Dit is 'n soort hibriede tegniek waarmee bykomende digitale inligting oor opname- en verwerkingsgegewens op nuwe filmmateriaal gestoor kan word.

Die APS-tegniek het nooit so gewild geraak soos die 35mm-filmformaat nie. Kameraboureekse vir die APS-formaat het ná 2001 gaandeweg van die mark verdwyn nadat kommersiële sukses met digitale kameras behaal is.