Abbas Maroufi

in Wikipedia, die vrye ensiklopedie
Jump to navigation Jump to search
Abbas Maroufi

Abbas Maroufi (* 17 Mei 1957 in Sangesar, provinsie Semran) is 'n Iranse skrywer, toneelskrywer, publisis en dissident wat onder meer met sy roman Samfoni-ye mordegan ("Simfonie van die dooies"), wat in 1989 verskyn het, en as uitgewer van die kritiese kultuurtydskrif Gardun ("Hemelgewelf", "Sfeer") bekendheid verwerf het.

Gardun is in 1996 vanweë sy kritiese houding teenoor die regering verban, en Abbas Maroufi is tot ses maande gevangenis en twintig houe met 'n sweep gevonnis, maar kon Iran danksy internasionale politieke druk verlaat om hom met sy gesin in Duitsland te vestig. Sy literêre werke, wat deur 'n gesofistikeerde vertelstyl en 'n afwisseling van narratiewe en tydsvlakke gekenmerk word, is in Iran verban. Abbas Maroufi bly tans met sy vrou Akram Abooee, 'n skilderes, en drie dogters in Berlyn waar hy die grootste boekwinkel vir Persiese en Oosterse literatuur (Hedayat) in Europa en 'n drukkery en uitgewery bedryf, terwyl hy ook steeds self skryf.

Eksterne skakels[wysig | wysig bron]

Amptelike webtuiste
Tavaana (E-Learning Institute for Iranian Civil Society)