Adad-nirari II
| Adad-nirari II | |
|---|---|
| Koning van Assirië | |
| Bewind | 912–891 v.C. |
| Gesterf | 891 v.C. |
| Voorganger | Assur-dan II |
| Opvolger | Tukulti-Ninurta II |
| Kinders | Tukulti-Ninurta II |
| Vader | Assur-dan II |
Adad-nirari II (bewind: 911[1] tot 891 v.C.) word algemeen beskou as die eerste koning van die Nieu-Assiriese Ryk.
Lewe[wysig | wysig bron]
Hy het streke wat net in naam leenstate was, finaal onderwerp en Arameërs wat probleme veroorsaak het, ná ’n geveg in 910 v.C. gedeporteer. Nadat hy die Nieu-Hetitiese en Horitiese bevolking in die noorde onderwerp het, het Adad-nirari II Babilonië twee keer aangeval en ’n groot stuk land in Middel-Mesopotamië geannekseer. Hy het later nog dele van Mesopotamië oorgeneem. Hy het ook streke in die weste verower.
Sy bewind is gekenmerk deur hernude voorspoed in die antieke Nabye Ooste nadat hy Fenisiese en Aramese handelsroetes uitgebrei en so Anatolië, Egipte onder die Libiese 22ste Dinastie, Mesopotamië en die Mediterreense gebied verbind het.
Adad-nirari II se seun se naam was Tukulti-Ninurta II, en hy het die oorloë teen Assirië se vyande voortgesit.[2]
Danksy die bestaan van volledige naamlyste van Adad-nirari II se bewind tot dié van Assurbanipal in die 7de eeu v.C. is jaar 1 van Adad-nirari se bewind (911 v.C.) dalk die eerste gebeurtenis in die antieke Nabye Ooste waarvan die presiese datum bekend is, hoewel die Assiriese Koningslys as taamlik aakuraat beskou kan word vanaf verskeie eeue voor Adad-nirari se bewind; geleerdes stem gewoonlik saam oor datums tot so ver terug as Assur-resh-ishi I se bewind in die laat 12de eeu v.C.
Verwysings[wysig | wysig bron]
Eksterne skakels[wysig | wysig bron]
Hierdie artikel is vertaal uit die Engelse Wikipedia
