Adelheid van Poitiers

in Wikipedia, die vrye ensiklopedie
Jump to navigation Jump to search
Adelheid van Poitiers
Adelheid van Poitiers

Koningin-gesellin van Frankryk
Voorafgegaan deur Emma van Italië
Opgevolg deur Susanna van Italië (Rozala van Ivrea)

Persoonlike besonderhede
Gebore Tussen 945 en 952
Sterf 1004

Adelheid van Poitiers (945/952 – omstreeks 1004)[1] was die dogter van Willem III van Akwitanië en Adela van Normandië (Geirlaug), laasgenoemde die dogter van Rollo en Poppa. Sy het Koningin van Frankryk geword na haar huwelik met Hugo Capet, die Koning van die Franke (omstreeks 939 – 14 Oktober 996). Adelheid en Hugo was die stigters van die Dinastie van die Capetingers wat Frankryk tot in die 18de en 19de eeue sou regeer. As Koningin-gesellin het Adelheid 'n mate van invloed oor haar man se bestuursake gehad. Sy word tipies net kortliks genoem in verband met haar man Hugo en haar seun Robert II.

Biografie[wysig | wysig bron]

Haar vader het haar huwelik met Hugo Capet in omstreeks 968 gebruik om 'n verdrag te finaliseer. Na die dood van Lodewyk V van Wes-Frankia in 987 het Hugo Capet koning van Frankryk geword, en is Adelheid gesalf en gekroon tot koningin.

Adelheid het kapelle in Senlis (Oise) en Argenteuil laat bou, en het die volgende kinders gehad:

  • Gisela (omstreeks 969), getroud met Hugo, seun van Hilduinus III van Montreuil. Hugo Capet het Abbeville (Somme), Ancre, en Domart, wat voorheen aan die Abdy van Sint-Riquier behoort het, aan die egpaar gegee. Hy het Hugo 'n leke-abt gemaak. Hierdie besittings het later die graafskap Ponthieu uitgemaak, en Hugo het voortaan bekendgestaan as Hugo I van Ponthieu (oorlede 1026)
  • Hedwig (omstreeks 970 – na 1013), getroud met Reinier IV van Henegouwen
  • Robert II van Frankryk (972 – 1031)

Voorouers[wysig | wysig bron]

Voorouers van Adelheid van Poitiers
Groot-grootouers Ranoelf II van Poitiers (850–890)

? (omstreeks 934)
? (–)

? (–)
Rognvald Eysteinsson? (830–894)

Ragnhilda Hrolfsdottir? (omstreeks 848–892)
Berengar van Bayeux (–)

? (–)
Grootouers Ebalus van Akwitanië (873–935)

Emiliana (omstreeks 934)
Rollo [2](860–932)

Poppa (omstreeks 870 - na 919)
Ouers Willem III van Akwitanië (910–963)

Geirlaug van Normandië (917 – na 969)
Adelheid van Poitiers (945–1004)

Verwysings[wysig | wysig bron]

  1. "Women's Biography: Adelaide of Aquitaine, queen of the Franks". Epistolae: Medieval Women's Latin Letters. Geargiveer vanaf die oorspronklike op 20 Desember 2016. Besoek op 7 Desember 2011.
  2. Volgens Bouchard was Adelaide nie van Poitou/Aquitaine nie. 'n Dokument uit 982, wat gebruik word as "bewys" van Adelaide se oorsprong, dui op 'n suster (Adela) van Willem IV van Akwitanië wat met 'n Hertog Eblo getrou het, wie se titel later verander is na Staatshertog Hugh Capet. Bouchard meld dat die dokument ongeorganiseerd voorkom en dat beide Hertog Eblo en sy vrou Adela reeds teen 982 dood was. Volgens Bouchard is Adelaide se herkoms derhalwe onbekend.

Bronne[wysig | wysig bron]

  • Bouchard, Constance Brittain (2001). Those of My Blood: Creating Noble Families in Medieval Francia. University of Pennsylvania Press.