Aegean Airlines
Aegean Airlines S.A.[1] (IATA: A3, ICAO: AEE, Roepteken: AEGEAN) is die vlaglugredery van Griekeland [2] en die grootste Griekse lugredery volgens totale aantal passasiers vervoer, volgens aantal bestemmings wat bedien word en volgens vlootgrootte. Dit is 'n lid van Star Alliance sedert Junie 2010, en bedryf geskeduleerde en huurdienste vanaf Athene en Thessaloniki na ander groot Griekse bestemmings sowel as na 'n aantal Europese en Midde-Oosterse bestemmings. Sy belangrikste spilpunte is Athene Internasionale Lughawe in Athene, Masedonië Internasionale Lughawe in Thessaloniki en Larnaca Internasionale Lughawe in Ciprus. Dit gebruik ook ander Griekse lughawens as basisse, waarvan sommige seisoenaal is. Sy hoofkantoor is in Kifisia, 'n voorstad van Athene.[3]
Op 21 Oktober 2012 het Aegean Airlines aangekondig dat hy 'n ooreenkoms aangegaan het om Olympic Air te bekom,[4] en die uitkoop is 'n jaar later, op 9 Oktober 2013, deur die Europese Kommissie goedgekeur.[5] Albei rederye werk steeds onder afsonderlike handelsmerke.[6]
Verwysings[wysig | wysig bron]
- ↑ "Conditions & Notices". Geargiveer vanaf die oorspronklike op 12 November 2013. Besoek op 12 November 2013.
- ↑ Dron, Alan. "Aegean 1Q losses widen as it invests in capacity". atwonline.com. Penton. Geargiveer vanaf die oorspronklike op 28 Mei 2016. Besoek op 9 Desember 2018.
- ↑ "Headquarters."
- ↑ Young, Kathryn M. (22 Oktober 2012). "Aegean strikes deal to acquire Olympic Air". atwonline.com. Besoek op 20 Maart 2014.
- ↑ George Georgiopoulos, Foo Yun Chee (9 Oktober 2013). "Aegean Airlines wins EU approval to buy Olympic Air". Reuters. reuters.com. Besoek op 20 Maart 2014.
- ↑ "AEGEAN: European Commission's approval of the acquisition of Olympic Air allows the creation of a viable, dynamic Greek carrier". aegeanair.com. 9 Oktober 2013. Besoek op 20 Maart 2014.
Eksterne skakels[wysig | wysig bron]
Wikimedia Commons het meer media in die kategorie Aegean Airlines.- Amptelike webwerf
