Alan Hatherly
Alan Hatherly (gebore 15 Maart 1996) is 'n Suid-Afrikaanse professionele bergfietsveldwedrendeelnemer.[1] Hy het die bronsmedalje by die Olimpiese Somerspele in 2024 gewen en met 'n tyd van 1:26:33 geëindig.[2]
Voorheen het hy aan die bergfiets- (cross-country) wedren by die Olimpiese Spele van 2016 deelgeneem.[3] Hy het in die 26ste plek geëindig met 'n tyd van 1:42:03. Hy het gekwalifiseer om Suid-Afrika by die Olimpiese Somerspele 2020 te verteenwoordig en het die wedren in die 8ste plek voltooi met 'n tyd van 1:26:33.[4][5]
In 2018 het Alan 'n bronsmedalje by die Statebondspele verower, en is daarna as die 2018 Onder-23 bergfietswêreldkampioen gekroon.
Vroeg in 2019 is aangekondig dat hy die Suid-Afrikaanse span, Team Spur, sal verlaat en vir 2019 vir die Specialized Factory-span sal ry. Hy het sedert die 2021-seisoen na Cannondale Factory Racing verskuif.
Sedert 2023 het hy ook aan padfietsrenne deelgeneem en aangesluit by die UCI Continental-span EF Education–Nippo Development Team.[6]
Op 1 September 2024 wen hy die Elite Wêreldtitel vir Veldwedrenne tydens die Wereldkampioenskappe te Pal Arinsal in Andorra.
Verwysings
[wysig | wysig bron]- ↑ "Alan Hatherly". MTB Cross country.com. Besoek op 22 Augustus 2016.
- ↑ published, Dani Ostanek (29 Julie 2024). "Paris Olympics: Tom Pidcock beats Victor Koretzky in thrilling race for men's mountain bike gold". cyclingnews.com (in Engels). Besoek op 29 Julie 2024.
- ↑ "Rio 2016". Rio 2016. Geargiveer vanaf die oorspronklike op 21 Augustus 2016. Besoek op 30 Augustus 2016.
- ↑ "Simbine in SA Olympics squad, but no Caster or Wayde yet". ESPN.com (in Engels). 27 Mei 2021. Besoek op 20 Junie 2021.
- ↑ Baloyi, Charles (27 Julie 2021). "Hatherly cherishes his best Olympic finish". Sowetan Live. Besoek op 29 Julie 2024.
{{cite web}}: AS1-onderhoud: url-status (link) - ↑ "Alan Hatherly". UCI.org. Besoek op 18 Julie 2023.