Albert Blake

in Wikipedia, die vrye ensiklopedie
Jump to navigation Jump to search

Albert Blake is ’n Suid-Afrikaanse skrywer en 'n prokureur van Roodepoort.

Lewe en werk[wysig | wysig bron]

Hy behaal twee meestersgrade in geskiedenis by die Randse Afrikaanse Universiteit.

Skryfwerk[wysig | wysig bron]

Boereverraaier is 'n  boek oor teregstellings tydens die Anglo-Boereoorlog en is so gewild dat hoofstukke 7 en 8 aanleiding gee tot die rolprent Verraaiers. In hierdie boek val die kollig op hensoppers en joiners en die skrywer bespreek die ware verhale van etlike persone wat in hierdie kategorieë geval het. Baie van hulle is tereggestel. Boerekryger[1] is die teenpool hiervan en bespreek dié Boere wat tot met die vredesluiting in die veld gebly het, die sogenaamde bittereinders. Hiervoor gebruik die skrywer die lotgevalle van Henning Viljoen as basis, na aanleiding van Viljoen se Oorlogsdagboek, aangevul deur sy broer en ander se dagboeke en briewe. Op 6 Maart 1902, slegs twee maande voor die einde van die oorlog, is Viljoen deur 'n  bom onthoof. Boerekryger is in 2013 op die kortlys vir die toekenning van die Suid-Afrikaanse literêre toekenning vir kreatiewe nie-fiksie en verower in 2014 die Akademie se Louis Hiemstra-prys vir nie-fiksie.

Moord en roof[2] is die ware verhaal van speurder Charles Miller se lewe as lid van die Wes-Randse moord-en-roof eenheid en beskryf hoe hy tydens die apartheidsjare verskeie opspraakwekkende misdade danksy deeglike speurwerk en 'n  uitstekende netwerk opgelos het.[3] In die uitvoering van sy pligte is hy genoodsaak om soveel misdadigers dood te skiet dat hy later telling verloor het. Hierdie werk eis dan 'n  hoë tol van sy psige. Die feite is deeglik nagevors en word on emosioneel aangebied. Dit beskryf suksesse sowel as mislukkings en die bydraes van alle rasse.

Ontsnap! Boerekrygsgevangenes se strewe na vryheid[4] vertel die verhaal van suksesvolle en onsuksesvolle ontsnappings van Boere tydens die Anglo-Boereoorlog.[5] Verhale sluit in krygsgevangenes wat van treine en skepe afgespring het, diegene wat tonnels probeer grawe het en selfs die wat na die vredesluiting uit aanhouding probeer wegkom het. Bekende verhale soos die vyf swemmers wat van 'n  skip in Colombo ontsnap het en deur Rusland en Europa hul weg terug na die Boeremagte gevind het, word vertel, maar vele van die verhale is onbekend. Die boek fokus egter nie uitsluitend op die ontsnap pogings nie, maar gee ook diepte-agtergrond soos die gemoedstoestand van die krygsgevangenes en hulle onsekerheid oor wat met hulle sou gebeur, die omstandighede waarin hulle aangehou is en hulle kommer oor hulle familielede.

Publikasies[wysig | wysig bron]

2010 - Boereverraaier

2012 - Boerekryger

2013 – Moord en roof

2015 - Ontsnap! Boerekrygsgevangenes se strewe na vryheid

2018 - Wit terroriste: Afrikaner-saboteurs in die Ossewabrandwag

Verwysings[wysig | wysig bron]

  1. Ferreira, Jeanette “Rapport” 8 Julie 2012
  2. Roestoff, Amanda “Beeld” 18 November 2013Visser, Marius “Rapport” 6 Oktober 2013
  3. Roestoff, Amanda “Boek oor ervaringe van 'n  speurder” “Wes-Beeld” 11 Oktober 2013
  4. Pretorius, Fransjohan “Beeld” 13 April 2015Van der Westhuizen, Gert “Rapport” 5 April 2015
  5. Opperman, A.J. “Nuwe boek oor Boere-ontsnappers” “Wes-Beeld” 27 Maart 2015

Ander verwysings[wysig | wysig bron]