Albert Crafford

in Wikipedia, die vrye ensiklopedie

Albert Crafford (2 November 1932 – 12 Februarie 2001)[1] was ’n joernalis en politieke kommentator by Die Burger en Rapport. Hy het ook spanningsromans geskryf en verskeie boeke in Afrikaans vertaal.

Lewe en werk[wysig | wysig bron]

Albert Crafford is op 2 November 1932 op Carnarvon gebore. Hy was vir 22 jaar ’n joernalis by Die Burger en daarna vir agtien jaar assistentredakteur en politieke kommentator van Rapport tot met sy aftrede in 1992. Hierna vestig hy hom op Franskraal in die Wes-Kaap. Hy was getroud met Carien Pretorius en die egpaar het twee seuns (’n tweeling) en twee dogters. Op Maandag 12 Februarie 2001 is hy op Franskraal aan kolonkanker oorlede.[1]

Skryfwerk[wysig | wysig bron]

Hy is veral bekend vir sy vertalings van Heinz Konsalik se boeke in Afrikaans. Hy skryf ook die spanningsromans “Onheil op Wolwedans” en “Spel met die dood”. In laasgenoemde roman is Henk Basson  die teaterbestuurder van die nuwe Teater van die Jeug. Wanneer hy mense laat in die aand in die halfvoltooide teater sien, deel hy sy vermoedens met majoor Lourens van die Veiligheidspolisie. ’n Strik word vir die vermeende saboteurs gestel, maar majoor Lourens is in ’n botsing betrokke na ’n gevaarlike jagtog en word bewusteloos in die hospitaal opgeneem. Intussen gaan die voorbereidings vir die groot première voort, met die hele kabinet wat soontoe genooi is.

Publikasies[wysig | wysig bron]

Jaar Publikasies
1957 Onheil op Wolwedans
1972 Spel met die dood
Vertalings
1961 Skattegrot – Alan Edward Honour
Tojon, held van die Noordland – Nicholas Kalashnikoff
1962 Deur die woestyn – Karl May
Noodlanding in die oerwoud – Herbert Kranz
Die rykaard met die pik – Alan Edward Honour
Skerwe van die Ysterkruis – Heinz Konsalik
Stryd teen die oerwoud – Carl Stephenson
1963 Die geskende gesig – Heinz Konsalik
Pablo – Käthe Recheis
Die valskermbataljon – Heinz Konsalik
1964 Hinderlaag in Geraamtekloof – Herbert Kranz
Sewe teen die naamlose – Herbert Kranz
Strafkamp in die berge – Heinz Konsalik
1965 Die hart van die sesde leër – Heinz Konsalik
Die laaste gevangene – Heinz Konsalik
1966 Dirk se hond Bello – Meindert de Jong
Dokter Erika Werner – Heinz Konsalik
Dokter Erika Werner – Heinz Konsalik
1967 Die voortvlugtige spioen – Heinz Konsalik
1969 Die noodlot in sy hand – Gerd Hafner
1970 Reinaard die Vos – Roy Brown
Roem was hul metgesel – Roderich Menzel
Rokoebai en die duisend ryskommetjies – Yoshiko Uchida

Verwysings[wysig | wysig bron]

  1. 1,0 1,1 "CRAFFORD Albert 1932-2001". eGGSA (in Engels). 22 Januarie 2007. Geargiveer vanaf die oorspronklike op 17 Oktober 2020. Besoek op 12 Oktober 2020.

Bronnelys[wysig | wysig bron]

Tydskrifte en koerante[wysig | wysig bron]

  • Anoniem. “Heengegaan”. “Volksblad”. 13 Februarie 2001
  • Vosloo, Johan. “Albert Crafford 40 jaar joernalis”. “Rapport”. 18 Februarie 2001

Internet[wysig | wysig bron]