Ali MacGraw
| Ali MacGraw | |
| |
MacGraw in 1972.
| |
| Geboortenaam | Elizabeth Alice MacGraw |
|---|---|
| Geboorte | 1 April 1939 Pound Ridge, New York, Verenigde State |
| Nasionaliteit | Amerikaans |
| Beroep(e) | Aktrise |
| Aktiewe jare | 1968-tans |
Elizabeth Alice "Ali" MacGraw (gebore op 1 April 1939)[1][2] is ’n Amerikaanse aktrise, model, skrywer en diereregte-aktivis.
Loopbaan[wysig | wysig bron]
Van 1960 af het MacGraw ses jaar lank by Harper's Bazaar gewerk as ’n fotografie-assistent[2] en daarna by Vogue as ’n model. Sy was ook ’n ruk lank ’n binneversierder.
Sy het haar toneelspelloopbaan in TV-advertensies begin. Die eerste rolprent waarin sy aandag getrek het, was Goodbye, Columbus (1969), waarvoor sy die Golden Globe vir die mees belowende nuweling gewen het. Sy het egter internasionaal roem behaal met haar rol in 1970 se Love Story teenoor Ryan O'Neal. Sy is vir ’n Oscar benoem en het die Golden Globe vir beste aktrise in ’n drama gewen. Dit was een van die prente wat die meeste geld nog laat inrol het.[3] In 1972 is sy gekies as die top- vroulike loketster in die wêreld.[4]
MacGraw het in 1972 in die misdaadprent The Getaway gespeel en is daarna met haar medester Steve McQueen getroud. Later was sy in die aksiefliek Convoy (1978) en die TV-minireeks The Winds of War (1983). In 1991 het sy haar outobiografie, Moving Pictures, gepubliseer.
Verwysings[wysig | wysig bron]
- ↑ "Ali MacGraw Biography (1939-)". Film Reference (in Engels). Advameg. Geargiveer vanaf die oorspronklike op 1 April 2019. Besoek op 9 Junie 2009.
- ↑ 2,0 2,1 Weller, Sheila (Maart 2010). "Once in Love with Ali". Vanity Fair (in Engels). p. 5. Geargiveer vanaf die oorspronklike op 9 Desember 2014. Besoek op 23 Januarie 2011.
- ↑ "DOMESTIC GROSSES" (in Engels). Box Office Mojo. Geargiveer vanaf die oorspronklike op 2 April 2019. Besoek op 25 Junie 2012.
- ↑ Poll Names Charles Bronson, Ali MacGraw, Sean Connery
Eksterne skakels[wysig | wysig bron]
- Ali MacGraw in die Internet-rolprentdatabasis
Wikimedia Commons het meer media in die kategorie Ali MacGraw.
Hierdie artikel is vertaal uit die Engelse Wikipedia
Normdata  |
|
|---|