Nasionale Biblioteek van Israel

in Wikipedia, die vrye ensiklopedie
(Aangestuur vanaf National Library of Israel)
Jump to navigation Jump to search
Die Nasionale Biblioteek van Israel.

Die Nasionale Biblioteek van Israel (Hebreeus: הספרייה הלאומית, HaSifria HaLeumit; Arabies: المكتبة الوطنية في إسرائيل; NLI), voorheen die Joodse Nasionale en Universiteitsbiblioteek; בית הספרים הלאומי והאוניברסיטאי, Beit Ha-Sfarim Ha-Le'umi ve-Ha-Universita'i), is ’n biblioteek wat gewy is aan die versameling van kultuurskatte van Israel en die Joodse erfenis. Dit bevat meer as 5 miljoen boeke en is geleë op die Givat Ram-kampus van die Hebreeuse Universiteit van Jerusalem.

Die biblioteek besit die wêreld se grootste versameling Hebraïca en Judaïca, onder meer baie skaars en unieke manuskripte en artefakte.

Die biblioteek se doel is om afskrifte te maak van alle materiaal wat in Israel gepubliseer is, in enige taal; alle publikasies oor Israel, Judaïsme en die Joodse volk, in enige taal, in enige land ter wêreld; en alle materiaal wat gepubliseer is in Hebreeus of enige tale wat in die Joodse diaspora gepraat word, soos Jiddisj en Ladino.

Kragtens wet moet twee afskrifte van alle gedrukte materiaal wat in Israel gepubliseer word, in die biblioteek geberg word. Die wet is in 2001 aangepas om oudio- en video-opnames asook ander niegedrukte media in te sluit.[1] Baie van die manuskripte is ingeskandeer en is nou op die internet beskikbaar.

Verwysings[wysig | wysig bron]