Alpha Arae

in Wikipedia, die vrye ensiklopedie
Alpha Arae
Die ligging van Alpha Arae (in die rooi sirkel).
Die ligging van Alpha Arae (in die rooi sirkel).
Sterrebeeld Altaar
Bayer-naam α Arae
Spektraaltipe B2 Vne[1]
Soort Hoofreeksster
Waarnemingsdata (Epog J2000)
Regte klimming 17h 31m 50.49153s[2]
Deklinasie -49° 52′ 34.1220″[2]
Skynmagnitude (m) 2,93[3] (2,76 tot 2,90)[4]
B-V-kleurindeks  -0,16[3]
U-B-kleurindeks  -0,72[3]
Besonderhede
Massa (M☉) 9,6[5]
Radius (R☉) 4,5[6]
Ligsterkte (L☉) 5 800[5]
Temperatuur (K) 18 044[6]
Eienskappe
Veranderlikheid BE[7]
Ander name
Choo, CD−49°11511, FK5 651, HD 158427, HIP 85792, HR 6510, NSV 8999, SAO 228069.[8][9][10]
Portaal  Portaalicoon   Sterrekunde

Alpha Arae (α Arae, afgekort as Alpha Ara of α Ara) is die tweede helderste ster in die suidelike sterrebeeld Altaar (Ara). Met ’n gemiddelde skynbare magnitude van 2,93[3] is dit in die Suidelike Halfrond redelik sigbaar met die blote oog. Die ster is sowat 270 ligjare van die Son af. Die visuele magnitude verminder met 0,1 magnitude vanweë die absorpsie en verspreiding van straling deur gas en stof.[6]

Eienskappe[wysig | wysig bron]

Alpha Arae het ’n sterreklassifikasie van B2 Vne,[1] wat aandui dit is ’n massiewe B-tipe hoofreeksster. Die "n" in die agtervoegsel dui daarop dat die absorpsielyne in die ster se spektrum uitgesprei en newelagtig lyk vanweë die Doppler-effek van ’n vinnige rotasie. Die rotasiesnelheid word so hoog geraam as 375 km s−1.[11] Meilland et al. (2007) raam die pole van die ster lê teen ’n hoek van 55° met die waarnemingslyn, en dit gee ’n ekwatoriale asimutsnelheid van 470 km s−1. Dit is naby die kritieke snelheid waar die ster sal begin uitmekaarval.[5] Die vinnige rotasie veroorsaak ’n duidelike ewenaarbult van sowat 2,4-2,7 keer die poolradius.[6]

Die "e" in die klassifikasie dui daarop dit is ’n Be-ster. Dit beteken emissielyne kan in die ster se spektrum gesien word wat kom van ’n skyf materiaal wat uit die ster skiet vanweë die vinnige rotasie.[12] In 2003 en 2005 is Alpha Arae deur infrarooi-interferometrie waargeneem. Die resultate, wat in 2005 en 2007 gepubliseer is, dui skynbaar daarop dat Alpha Arae omring word deur ’n digte ekwatoriale skyf materiaal en dat dit massa by die pole verloor as gevolg van ’n poolwind met ’n terminale snelheid van sowat 1 000 km/s. Daar is ook moontlike bewyse dat Alpha Arae op 0,7 AE omsirkel word deur ’n metgesel-ster.[5][13]

Die ster se massa is sowat 9,6 keer dié van die Son,[5] en sy radius gemiddeld 4,5 keer die Son s'n.[6] Dit is 5 800 keer so helder as die Son;[5] sy oppervlaktemperatuur is 18 044 K.[6] Dié hitte gee Alpha Arae die blouwit skynsel van ’n B-tipe ster. Dit is ’n veranderlike ster met ’n magnitude wat tussen 2,76m en 2,9 wissel.[4][8]

Alpha Arae het ’n visuele metgesel, CCDM J17318-4953B, wat sowat 50 boogsekondes van hom af lê teen ’n posisiehoek van 168°, met ’n skynbare magnitude van sowat 11.[9] Dit lyk of die twee sterre per toeval naby mekaar voorkom en nie werklik naby mekaar in die ruimte is nie.[4]

Verwysings[wysig | wysig bron]

  1. ↑ 1,0 1,1 Houk, Nancy (1978), "Michigan catalogue of two-dimensional spectral types for the HD stars", Ann Arbor : Dept. of Astronomy (Ann Arbor: Dept. of Astronomy, University of Michigan) 2, Bibcode: 1978mcts.book.....H 
  2. ↑ 2,0 2,1 van Leeuwen, F. (November 2007), "Validation of the new Hipparcos reduction", Astronomy and Astrophysics 474 (2): 653–664, doi:10.1051/0004-6361:20078357, Bibcode: 2007A&A...474..653V 
  3. ↑ 3,0 3,1 3,2 3,3 Feinstein, A.; Marraco, H. G. (November 1979), "The photometric behavior of Be Stars", Astronomical Journal 84: 1713–1725, doi:10.1086/112600, Bibcode: 1979AJ.....84.1713F 
  4. ↑ 4,0 4,1 4,2 HR 6510, database entry, The Bright Star Catalogue, 5th Revised Ed. (Preliminary Version), D. Hoffleit and W. H. Warren, Jr., CDS ID V/50. Accessed on line November 26, 2008.
  5. ↑ 5,0 5,1 5,2 5,3 5,4 5,5 Meilland, A. (March 2007), "First direct detection of a Keplerian rotating disk around the Be star α Arae using AMBER/VLTI", Astronomy and Astrophysics 464 (1): 59–71, doi:10.1051/0004-6361:20064848, Bibcode: 2007A&A...464...59M . See Tables 1 and 4 for parameters of the star, circumstellar disk, and polar winds.
  6. ↑ 6,0 6,1 6,2 6,3 6,4 6,5 Meilland, A.; Stee, Ph.; Chesneau, O.; Jones, C. (October 2009), "VLTI/MIDI observations of 7 classical Be stars", Astronomy and Astrophysics 505 (2): 687–693, doi:10.1051/0004-6361/200911960, Bibcode: 2009A&A...505..687M 
  7. ↑ alf Ara, database entry, The combined table of GCVS Vols I-III and NL 67-78 with improved coordinates, General Catalogue of Variable Stars Geargiveer 20 Junie 2017 op Wayback Machine, Sternberg Astronomical Institute, Moscow, Russia. Accessed on line November 26, 2008.
  8. ↑ 8,0 8,1 V* alf Ara -- Eruptive variable Star, databasisinskrywing, Simbad. Besoek op 26 November 2008.
  9. ↑ 9,0 9,1 Entry 17318-4953, The Washington Double Star Catalog Geargiveer 8 Julie 2012 op Wayback Machine, United States Naval Observatory. Besoek op 26 November 2008.
  10. ↑ Allen, R. H. (1963), Star Names: Their Lore and Meaning (Reprint ed.), New York, NY: Dover Publications Inc., p. 63, ISBN 0-486-21079-0, https://books.google.com/books?id=5xQuAAAAIAAJ 
  11. ↑ Bernacca, P. L.; Perinotto, M. (1970), "A catalogue of stellar rotational velocities", Contributi Osservatorio Astronomico di Padova in Asiago 239 (1), Bibcode: 1970CoAsi.239....1B 
  12. ↑ To Be or Not to Be: Is It All About Spinning?: VLTI Discerns How Matter Behaves in Disc Around a Be Star Geargiveer 1 Desember 2008 op Wayback Machine, ESO-persverklaring 35/06, 20 September 2006. Besoek op 12 Desember 2008.
  13. ↑ Chesneau, O.; Meilland, A.; Rivinius, T.; Stee, Ph.; Jankov, S.; Domiciano de Souza, A.; Graser, U.; Herbst, T.; Janot-Pacheco, E.; Koehler, R.; Leinert, C.; Morel, S.; Paresce, F.; Richichi, A.; Robbe-Dubois, S. (2005). "First VLTI/MIDI observations of a Be star: Alpha Arae". Astronomy and Astrophysics. 435 (1): 275–287. Bibcode:2005A&A...435..275C. doi:10.1051/0004-6361:20041954.

Eksterne skakels[wysig | wysig bron]

Koördinate: Sky map 17h 31m 50.49153s, −49° 52′ 34.1220″

Ontsluit van "https://af.wikipedia.org/w/index.php?title=Alpha_Arae&oldid=2618105"