Amor Vittone

in Wikipedia, die vrye ensiklopedie
Jump to navigation Jump to search
Amor Vittone
GeboortenaamAmor Ines Vittone
AliasAmor Vittone
Geboorte16 Maart 1972 (1972-03-16) (46 jaar oud)
Beroep(e)Sangeres
Genre(s)Afrikaans / Engels / Pop
Tipe stemSopraan
Instrument(e)Stem
Aktiewe jare1998 – Nou
EtiketteEMI, Select
Webwerfamor.co.za
Portal.svg Musiekportaal

Amor Vittone (gebore op 16 Maart 1972 as Amor Ines Vittone) is 'n bekende Suid-Afrikaanse sangeres. Sy is op 20 Oktober 2002 met die oud-Springbokrugbyspeler wyle Joost van der Westhuizen getroud. Hulle het 'n seun, Jordan, en 'n dogter, Kyle, wat twee jaar jonger is.[1]

Biografie[wysig | wysig bron]

Amor Ines Vittone is op 16 Maart 1972 in Johannesburg in Transvaal, Suid-Afrika gebore.[2] Vittone was die hoofmeisie van haar hoërskool en sy het in sport en die akademie uitgeblink. Sy het haar honneursgraad in Kommunikasiekunde (cum laude) aan die Randse Afrikaanse Universiteit behaal en was 'n vorige Mej. Johannesburg. Vir sewe agtereenvolgende jare was Amor die Suid-Afrikaanse klopdans- en modernedans-kampioen. Hierdie talent het sy gebruik in “West Side Story”, wat opgevoer is in die Staatsteater in Pretoria, sowel as Richard Loring se produksie “Girl Talk”.

Amor het die volgende programme op televisie aangebied:

  • "Legkaart Bonanza",
  • "Junior Topsport",
  • M-Net se "Spot-on",
  • "Mainly for Men" op E.tv,
  • "Road to Riches" en die Nasionale Lotery op SABC2,
  • "Top Billing",
  • "In die kryt met Joost en Amor" op KykNET en M-Net,
  • "ABSA game show" op SABC3 en
  • "Verimark Quiz show" op M-Net.

Tans tree sy op as choreograaf, seremoniemeester, motiveringsspreker en sangeres. Amor is ook sedert Desember 2016 in 7de Laan te sien as die karakter Zelda.

As 'n bekende en gewilde persoonlikheid het Amor al omtrent elke tydskrif in Suid-Afrika se voorblad versier. Dit sluit in: "Fair Lady", "Keur", "Huisgenoot", "You", "Sarie", "Finesse", "FHM", "Wiel", "Insig", "Vrouekeur", "De Kat", "Tydskrif Rapport", "Sunday Times Magazine", "Personality", "Directions", "Longevity", "Rooi Rose", "Die Lig", "Baba en Kleuter" en "Marie Claire".

Haar debuutalbum, “Wild Cherry Kisses” is in 1998 vrygestel deur EMI. “Dance in Colours” en “Young Forever” het gevolg. In Februarie 2005 is haar vierde album, “Amor” vrygestel deur Gallo Music Record Company. Amor se eerste Afrikaanse album, “Voluit” is in September 2006 vrygestel deur Select-musiek. Hierdie album het binne 6 maande goue status bereik (meer as 20,000 eenhede verkoop) en Amor was ook genomineer vir 'n SAMA-toekenning in die kategorie "Beste Afrikaanse Popalbum". Sy was die enigste vroulike kunstenaar benoem in die kategorie. Die video van “Voluit Lewe” het ook gedurende Mei 2007 'n toekenning ontvang as die beste Afrikaanse DVD tydens die Afrikaanse musiektoekennings in Suid-Afrika. Amor is ook benoem vir 'n Crystal toekenning in die kategorie "Hottest S.A. Artist" gedurende Junie.

Vir die Huisgenoot Tempo-toekennings is Amor genomineer in die kategorie gunsteling vroulike kunstenaar en “Voluit Lewe” is benoem as gunstelingliedjie van die jaar. Ook in die Vonk-musiektoekennings is Amor genomineer as beste vroulike kunstenaar van 2007.

“Glo altyd aan more” is in September 2009 vrygestel. Hierdie album is opwindend luisterryk, met aangename stemwerk, sielslirieke en opkikkerende melodieë. Amor is die spieëlbeeld van energie, vreugde en oorwinning en die album is gestempel op hoop, positiewe sterkte en 'n aangename lewenskalmte. Amor is tans besig om haar sewende album op te neem met Maroela Musiek.

Diskografie[wysig | wysig bron]

  • 1999: Wild Cherry Kisses
  • 2000: Dance in Colours
  • 2002: Young Forever
  • 2004: Amor
  • 2005: Surrender
  • 2006: Voluit
  • 2009: This Was Then : Amor Greatest Hits
  • 2009: Glo Altyd aan Môre

Verwysings[wysig | wysig bron]

Sien ook[wysig | wysig bron]

Eksterne skakels[wysig | wysig bron]