Androgeen

in Wikipedia, die vrye ensiklopedie
Jump to navigation Jump to search

’n Androgeen (van die Griekse andr-, "man") is enige natuurlike of sintetiese hormoon wat die ontwikkeling en behoud van manlike eienskappe in gewerweldes beheer deur aan androgeenreseptore te bind.[1] Dit sluit die ontwikkeling in die embrio van primêre manlike geslagsdele in, asook die ontwikkeling van sekondêre manlike eienskappe met puberteit. Androgene word in die testikels, eierstokke en byniere gesintetiseer.

Tydens puberteit styg die vlakke androgene in seuns én meisies.[2] Die hoofandrogeen in mans is testosteroon.[3] Dihidrotestosteroon is ook belangrik in manlike ontwikkeling.[3] In die baarmoeder sorg dit vir differensiasie van die penis, skrotum en prostaat. In volwassenes dra dit by tot haarverlies, prostaatgroei en vetklieraktiwiteit.

Hoewel dikwels aan androgene gedink word as manlike geslagshormone, kom dit ook in vroue voor, maar in laer vlakke: Hulle help met libido en seksuele opwekking. Androgene is ook die voorlopers van estrogene in beide mans en vroue.

Verwysings[wysig | wysig bron]

  1. Sriram. "Steroids". Medicinal Chemistry. Pearson Education India. p. 437.
  2. "15 Ways To Get Rid Of Pimples Overnight Natural". Fast Health Fitness. 2016-05-17.
  3. 3,0 3,1 Carlson, Neil (Januarie 22, 2012). Physiology of Behavior. Reproductive Behavior. 11th edition. Pearson. p. 326. ISBN 978-0205239399.

Skakels[wysig | wysig bron]