Ansar al-Sunna

in Wikipedia, die vrye ensiklopedie
Jump to navigation Jump to search

Ansar al-Sunna (Afrikaans: Ondersteuners van die tradisie), al-Shabaab, Ahlu al-Sunna en Swahili Sunna[1] is 'n Islamitiese militante groep wat in die provinsie Cabo Delgado, Mosambiek, bedrywig is. Die groep het veiligheidsmagte en burgerlikes aangeval in 'n poging om 'n Islamitiese staat in die gebied te vestig.[2]

Die terroriste groep is volgens berigte in Cabo Delgado gevorm deur aanhangers van die radikale Keniaanse geestelikes Aboud Rogo Mohammed, wat ná sy dood in 2012, hervestig is in Mosambiek. Die groep het in 2017 toenemend gewelddadig geword en aanvalle op regerings- en burgerlike teikens uitgevoer.[3] Die groep word befonds uit onwettige smokkelary, godsdienstige netwerke en mensehandelaars, wat die groep gebruik om rekrute na Tanzanië, Kenia en Somalië te stuur vir militêre en ideologiese opleiding.[4]

Na berig word is lede van Ansar al-Sunna meestal Mosambiekers uit die distrikte Mocimboa da Praia, Palma en Macomia, maar sluit ook buitelandse burgers van Tanzanië en Somalië in. Portugees, Kimwane en Swahili word almal deur die groeplede gepraat.[5] Die groep werf aktief jong Mosambiekers aan wat haatdraend is teenoor die regering as gevolg van hoë werkloosheid en 'n gebrek aan ekonomiese geleenthede.[1]

Verwysings[wysig | wysig bron]

  1. 1,0 1,1 Sirwan Kajjo; Salem Solomon (7 Junie 2019). "Is IS Gaining Foothold in Mozambique?". Voice of America. Besoek op 15 Junie 2019.
  2. "Mozambique: Islamist Raids Continuing in Mocimboa Da Praia". AllAfrica.com. 5 Desember 2017. Geargiveer vanaf die oorspronklike op 26 Desember 2017. Besoek op 27 Desember 2017.
  3. "Ansar al-Sunna: A New Militant Islamist Group Emerges in Mozambique". Jamestown Foundation. 14 Junie 2018. Besoek op 15 September 2018.
  4. "How Mozambique's smuggling barons nurtured jihadists". BBC News. 2 Junie 2018. Besoek op 15 September 2018.
  5. "População captura supostos membros do grupo armado que atacou Mocímboa da Praia". Verdade.co.mz. Geargiveer vanaf die oorspronklike op 26 Desember 2017. Besoek op 27 Desember 2017.
Hierdie artikel is in sy geheel of gedeeltelik vanuit die Engelse Wikipedia vertaal.