Antonius en Cleopatra

in Wikipedia, die vrye ensiklopedie
Jump to navigation Jump to search
Cleopatra op die terras van Philae, deur Frederick Arthur Bridgman in ongeveer 1896.

Antonius en Cleopatra (oorspronklike Engelse titel: Antony and Cleopatra) is 'n historiese drama deur William Shakespeare oor die verhouding tussen Cleopatra, koningin van Egipte, en die Romeinse veldheer Markus Antonius.[1] Die tragedie het in die Eerste Folio-uitgawe van 1623 verskyn. Daar word geglo dat dit in 1606 of 1607 geskryf is.

Die eerste bladsy van Antonius en Cleopatra soos dit in die Eerste Folio gepubliseer is.

Hierdie Romeinse tragedie speel op verskillende plekke af, van die eksotiese en dekadente Alexandrië tot die streng gedissiplineerde Rome. Die stuk volg die verhouding tussen Cleopatra en Marcus Antonius, vanaf die Romeins-Persiese oorloë tot met Cleopatra se selfmoord. Die groot teenstander is Octavius Caesar, wat later as Augustus die eerste keiser van Rome sal word. In die tyd wat die stuk afspeel is hy nog deel van 'n diktatoriale driemanskap, die Tweede Triumviraat, waarvan Marcus Antonius ook deel is.

Die rol van Cleopatra word as een van die mees komplekse vroulike karakters in die werk van Shakespeare gesien. Sy is ydel en besonder teatraal. Die publiek kan soms nie anders as om met haar te lag nie, maar sy is 'n ware tragiese heldin.

Verwysings[wysig | wysig bron]

  1. HAT Taal-en-feitegids, Pearson, Desember 2013, ISBN 978-1-77578-243-8

Eksterne skakels[wysig | wysig bron]