Apriës

in Wikipedia, die vrye ensiklopedie
Jump to navigation Jump to search
Apriës
Wahibre Haaibre, Waphres, Gofra
’n Kopstuk van Apriës (Louvre).
’n Kopstuk van Apriës (Louvre).
Farao van die 26ste Dinastie
Periode 589–570 v.C.
Voorganger Psamtik II
Opvolger Amasis II
Vader Psamtik II
Moeder Tachoeit
Apriës in Egiptiese hiërogliewe
Serech of Horusnaam
G5
wAHib
Srxtail.jpg
Nebty-naam
G16
V30
F23
Goue Horus-naam
G8
S29 M13
N18
Praenomen of troonnaam
M23
t
L2
t
Hiero Ca1.svg
raHa
a
ib
Hiero Ca2.svg
Nomen of geboortenaam
G39N5
 
Hiero Ca1.svg
rawAHib
Hiero Ca2.svg
Portaal  Portaalicoon   Antieke Egipte

Apriës (Grieks: Ἁπρίης) is die naam waarby Herodotus en Diodorus Wahibre Haaibre genoem het; hy was van 589 tot 570 v.C. die vierde farao van die 26ste Dinastie van Antieke Egipte. Manetho het hom Waphres genoem en korrek aangeteken dat hy 19 jaar lank regeer het. Apriës word ook Gofra genoem in Jeremia 44:30.

Bewind[wysig | wysig bron]

Apriës het die troon in Februarie 589 v.C. geërf van sy pa, Psamtik II, en het sy pa se geskiedenis van buitelandse inmenging in die sake van Palestina voortgesit.[1] Hy het baie gebou en het aanbouings laat doen aan verskeie tempels.[2]

Apriës se bewind was vol interne probleme. In 588 v.C. het hy ’n leër na Jerusalem gestuur om dit teen Babiloniese invalle deur Nebukadnesar II te beskerm. Sy leër is gou verslaan en Jerusalem is ná ’n beleg van 18 maande in óf 587 óf 586 v.C. deur die Babiloniërs verwoes. Ná nog ’n onsuksesvolle poging om in die politiek van Juda in te meng het soldate van die strategies belangrike Aswan-garnisoen gemuit.[3]

Ook ’n poging om Libië teen Griekse invallers te beskerm het geboemerang toe sy soldate feitlik uitgewis is.[3] Daarna het ’n burgeroorlog uitgebreek en die Egiptenare het hul steun toegesê aan ’n suksesvolle generaal, Amasis II.[3] Amasis het homself in 570 v.C. tot farao verklaar en Apriës het na die buiteland gevlug. Toe hy die troon in 567 v.C. wou terugeis, is hy waarskynlik in ’n veldslag deur Amasis se soldate doodgemaak.[4]

Verwysings[wysig | wysig bron]

  1. Peter Clayton, Chronicle of the Pharaohs, Thames and Hudson, 1994 hardeband, bl. 196
  2. Ian Shaw & Paul Nicholson, The Dictionary of Ancient Egypt, Harry N. Abrams Inc, 1995. pp.36-37
  3. 3,0 3,1 3,2 Clayton, p.197
  4. www.digitalegypt.ucl.ac.uk – Wahibre

Eksterne skakels[wysig | wysig bron]