Asetogenese

Asetogenese is 'n proses waar asetaat deur anaërobiese bakterieë geproduseer word vanuit 'n verskeidenheid energie- en koolstofbronne. Die verskillende bakteriese spesies wat asetogeniese vermoëns het word asetogene genoem.

Chemiese vergelyking

$2CO_{2}(aq)+4H_{2}(aq)\to CH_{3}COOH{(aq)}+2H_{2}O$

Asetogenese in die anaërobiese verteringsproses

Asetogenese is die derde stap tydens anaërobiese vertering

• Hidrolise: 'n Chemiese reaksie waar partikels afgebreek word en opgelos word en polimere omgeskakel word na eenvoudiger monomere;
• Asidogenese: 'n Biologiese reaksie waar eenvoudige monomere omgeskakel word na vlugtige vetsure;
• Asetogenese: 'n Biologiese reaksie waar vlugtige vetsure omgeskakel word na asynsuur, koolstofdioksied en waterstof en
• Metanogenese: 'n Biologiese reaksie waar asetate omgeskakel word na metaan en koolstofdioksied met die verbruik van waterstof.

Sien ook

• Anaërobiese vertering
• biogas