Astigmatisme

in Wikipedia, die vrye ensiklopedie
Astigmatisme
Klassifikasie en eksterne bronne
Skets van die oorsaak van astigmatisme. As 'n lensoppervlak nie in alle rigtings dieselfde kromming het nie, word al die strale nie na dieselfde punt gefokus nie.
Skets van die oorsaak van astigmatisme. As 'n lensoppervlak nie in alle rigtings dieselfde kromming het nie, word al die strale nie na dieselfde punt gefokus nie.
ICD-10 H52.2
ICD-9 367.2
OMIM 603047
DiseasesDB 29648
MedlinePlus   001015
Mediese waarskuwing

Astigmatisme is 'n oogaandoening wat tot 'n optiese afwyking in die menslike oog lei.[1] 'n Refraktiewe fout ontstaan as die oog nie die lig eweredig op die netvlies (retina) fokus nie. Die woord is afkomstig van die Griekse "a-" (nie) en "stigma" (punt of stip).

By 'n normale oog het die kornea dieselfde kromming na elke rigting. Soms tree daar egter 'n afwyking van die optiese meganisme van die oog in, wat maak dat hierdie vorm nie perfek is nie. Hierdeur verskil die fokus in 'n bepaalde as-rigting van 'n ander. Die mees algemene vorm is korneale astigmatisme. In die geval is die buitenste kornea nie mooi rond nie, maar eerder ovaal (soos 'n rugbybal). Vanselfsprekend lewer 'n ovaal lens nie 'n suiwer beeld nie en sal die beeld in die een as-rigting mooi op die netvlies val, maar in die ander as-rigting net daaroor of net daaragter.

Astigmatisme veroorsaak verwronge of onduidelike visie op alle afstande. Ander moontlike simptome is oogspanning, hoofpyn, en probleme om in die nag te bestuur.[2] Mense wat dit op 'n jong ouderdom tref kan ambliopie ('n lui oog) ontwikkel.[3]

Daar is verskeie oplossings vir astigmatisme. Kontaklense of brille met 'n silinder-komponent is enkele voorbeelde hiervan. 'n Bril bied die eenvoudigste oplossing, maar kontaklense kan 'n wyer gesigsveld verskaf. Dit is ook moontlik om die vorm van die kornea deur middel van refraksie-sjirurgie met 'n laser aan te pas.

Die oorsaak van astigmatisme is onduidelik.[4] Daar word geglo dat dit deels met genetiese faktore verband hou.[5] Dit kan met 'n oogtoets gediagnoseer word.[2]

Dit is moeilik om self te bepaal of mens astigmaties is al dan nie. Mens kan 'n groot kruis op 'n vel papier trek en vervolgens by verskillende afstande kyk of jy beide lyne tegelyk duidelik kan sien. Indien nie, is dit waarskynlik as gevolg van astigmatisme.

Verwysings[wysig | wysig bron]

  1. Everdingen, J.J.E. van, Eerenbeemt, A.M.M. van den (2012). Pinkhof Geneeskundig woordenboek (12de druk). Houten: Bohn Stafleu Van Loghum.
  2. 2,0 2,1 "Facts About Astigmatism". NEI (in Engels). Oktober 2010. Geargiveer vanaf die oorspronklike op 15 Augustus 2019. Besoek op 29 September 2016.
  3. Harvey, EM (Junie 2009). "Development and treatment of astigmatism-related amblyopia". Optometry and vision science : official publication of the American Academy of Optometry. 86 (6): 634–9. doi:10.1097/opx.0b013e3181a6165f. PMC 2706277. PMID 19430327.
  4. Read, SA; Collins, MJ; Carney, LG (Januarie 2007). "A review of astigmatism and its possible genesis". Clinical & experimental optometry. 90 (1): 5–19. doi:10.1111/j.1444-0938.2007.00112.x. PMID 17177660.
  5. Mozayan, E; Lee, JK (Julie 2014). "Update on astigmatism management". Current opinion in ophthalmology. 25 (4): 286–90. doi:10.1097/icu.0000000000000068. PMID 24837578.

Eksterne skakels[wysig | wysig bron]