Lig

in Wikipedia, die vrye ensiklopedie
Spring na: navigasie, soek
'n Lig wat skyn.
'n Wolk word deur die son verlig.

Lig is elektromagnetiese straling waarvan die frekwensie van so 'n aard is dat dit deur die menslike oog waargeneem kan word. Dit is die sigbare spektrum. Die drie primêre eienskappe van lig is:

  • Amplitude
  • Frekwensie of golflengte
  • Polarisasie

Lig bestaan uit klein "pakkies" bekend as fotone en besit eienskappe van golwe en deeltjies, wat bekend staan as die golf/deeltjie-dualiteit. Die studie van lig is optika, 'n belangrike vakgebied in moderne fisika.

Kleure van wit lig[wysig | wysig bron]

Nomaalweg word lig as wit beskou, maar daar is in werkliheid baie verskillende kleure lig, wat afhang van die oorsprong daarvan.

Sir Isaac Newton, bekende Engelse wetenskaplike en filosoof, het wetenskaplik probeer vasstel waarom wit lig in verskillende kleure opgebreek kan word. Hy het 'n straal sonlig deur 'n luik voor 'n venster in 'n verdonkerde kamer laat val. Die ligstraal het daarna deur 'n glasprisma beweeg en op 'n skerm geval. Dit is opgebreek in 'n reënboogkleurige spektrum wat op die skerm waargeneem kon word. Newton het sewe hoofkleure onderskei.

Hy het ontdek dat wit lig in werklikheid saamgestel is uit ander kleure en nie homogeen is soos destyds algemeen aanvaar is nie.

Sien ook[wysig | wysig bron]

Bron[wysig | wysig bron]

Eksterne skakels[wysig | wysig bron]