Aston Martin

in Wikipedia, die vrye ensiklopedie
Spring na: navigasie, soek
Aston Martin Lagonda Limited
AstonMartinCroppedDileo.png
Tipe Aandelemaatskappy
Gestig 1913, Londen
Hoofkantoor Gaydon, Warwickshire, Verenigde Koninkryk
Sleutelpersone Ulrich Bez (hoof uitvoerende beampte)
David Richards (voorsitter van die Raad)
Gebied bedien Wêreldwyd
Industrie Motorvervaardiger
Produkte Motorvoertuie
Dienste Finansiële en logistieke dienste
Inkomste £474,3 miljoen[1] (2010)
Netto inkomste £7,6 miljoen[1] (2010)
Werknemers 1 250[2] (2010)
Dogtermaatskappye Aston Martin Racing (50%)
Webwerf astonmartin.com

Aston Martin is die handelsnaam vir vinnige, duur sportmotors wat deur die gelyknamige Britse motormaatskappy vervaardig word. Die motors is onder andere bekend vir die gebruik daarvan in die vroeë James Bond-flieks. Aston Martins is geken as klassieke statusmotors wat met die hand aanmekaar gesit word en van uiters hoë kwaliteit materiale gebou word.[3]

Die maatskappy is in 1913 deur Lionel Martin en Robert Bamford gestig. Tussen die Eerste Wêreldoorlog en die Tweede Wêreldoorlog het dit 'n paar keer in en uit bedryf gegaan. Lionel Martin verlaat die maatskappy in 1926. Daarna is dit van die een persoon aan 'n volgende verkoop, totdat David Brown dit in 1947 gekoop het. Brown het ook Lagonda gekoop, en gebruik Lagonda-enjins in sy motors. Die Aston Martins wat tydens Brown se besit gebou is, het die letters "DB" in die naam gehad. In 1959 wen 'n Aston Martin die 24-uur wedren by Le Mans.[4]

'n Aston Martin Mk II, 1935.

Brown verkoop die maatskappy later en in die 1970's sukkel hulle om in bedryf te bly. Victor Gauntlett koop 'n deel van die maatskappy en hou dit met die verkoop van onderdele aan die gang. In 1991 het die Ford Motormaatskappy Aston Martin gekoop en begin hulle weer om "DB"-motors te vervaardig. Ford besit Aston Martin tot 2007, waarna dit aan Investment Dar en Adeem Investments verkoop is.[5]

Verwysings[wysig | wysig bron]

  1. 1,0 1,1 (en) Wright, William, "Aston Martin revs up to raise capital", 6 Junie 2011. URL besoek op 12 April 2014.
  2. (en) "England, Third of jobs go at Aston Martin", BBC News, 1 Desember 2008. URL besoek op 12 April 2014.
  3. HAT Taal-en-feitegids, Pearson, Desember 2013, ISBN 978-1-77578-243-8
  4. Aston Martin op Histomobile
  5. BBC News Article

Eksterne skakels[wysig | wysig bron]